السلام عليكم
اخواني انا طالب ثانوية منازل ادرس الصف الحادي عشر علمي عمري 23 سنة عندي اسئله ضروريه وياليت تساعدوني واكون لكم من الشاكرين الداعين لكم بالخير
1_انا ناوي ادخل هندسة ميكاترونيك بس لما دخلت موقع جامعة الكويت ماوجدت هذا التخصص بين تخصصات الهندسة فهل هو موجود؟؟ او ناوين يحطونه؟؟ لانه حيل عاجبني هو والهندسة الميكانيكيه لكني احسه افضل لانه اشمل ولاني احب شغل الروبوت والتكنولوجيا والاسلحه العسكرية
2_انا ناوي ان شاء الله اكمل دراستي للدكتوراة وطبعا ناوي اخذ بعثه للماجستير والدكتوراه لبريطانيا لكن عمري لما اخلص البكالريوس ماراح يقل عن 29 سنه وانا سامع ان فوق ال25 مايعطونهم بعثه هالكلام صحيح؟؟
3_انا حاليا بالحادي عشر وسمعت ان كلية الهندسة وايد مقدمين عليها وزحمة فكيف اضمن دخولي؟؟ هل اخذ امتحان قدرات والنجاح فيه مبكرا يساعدني لو كانت نسبتي الثانوية حلوه؟؟ وهل ياخذون العمر في عين الاعتبار؟؟يعني يقدمون الطالب الصغير في السن على الكبير؟؟ وهل يفرقون بين طلبة المنازل والعادي؟؟
4_كم النسبة الي احتاجها عشان ادخل قبول فوري؟؟ وهل لو دخلت فوري يقبلوني بدون امتحان قدرات؟؟ وهل لو نجحت في امتحان القدرات مااخذ تمهيدي؟؟ واذا دخلت قبول فوري هم مااخذه؟؟ وكم مدة التمهيدي عموما؟؟
5_كم سنه احتاج عشان اتخرج؟؟ لاني سمعت انها تحتاج خمس سنين!! هل في طرق اني اقلل هذه المده؟؟ لاني كبير وابي اتخرج بكالريوس بسرعة عشان براسي دكتوراة
6_كم مدة الدوام والمحاضرات في الاسبوع تقريبا؟؟ وكم مدة المحاضره؟؟ عشان ابي اسوي جدول جديد انظم وقتي فيه للجامعة
7_بصراحة انا اعاني من المدرسين في الحصص العاديه عشان جذي اخذت منازل وركزت على الدروس الخصوصيه هل التدريس في الجامعة ممكن افهم فيه من المدرس ولا احتاج دروس خصوصيه؟؟ خاصه اني لقيت معهد يعطي دروس لطلبة الجامعات
8_انا اخذ معاش تقاعد الوالد الله يرحمه من التأمينات وقالولي بيقطعونه عني لما يصير عمري 28 والمشكله وقتها بضل ادرس ويقولون اعانة الجامعه كلها 100 دينار بس سمعت المتزوج والي يدرس خارج الكويت يعطونه اعانه محترمه 500 وفوق صحيح هالحجي؟؟
9_هل شرح المواد كلها بالانجلش؟؟ لاني احس الشرح بالعربي اسهل خاصه لو استعمل الكلمات العاميه لتقريب بعض المسائل وانتوا فاهمين علي^^
10_مواد الفلسفه والمنطق علم النفس النحو والصرف التخصصات الدينيه اللغات الاداره الاقتصاد التاريخ السياسه الكيمياء الفيزياء الاحياء هل كلها موجودة كمواد جانبيه غير التخصص طبعا؟؟ لاني احب اطور نفسي بهالمجالات وقلت لو موجودين كمواد في الجامعة زيادة الخير خيرين فياليت تساعدوني اخواني الاعزاء
واسسسسسسف جداااا على كثرة الاسئله حاولت استوعب كل شي مهتم فيه ياليت تساعدوني وجزاكم الرحمن كل خير