يا جماعه انا مادري شفيني ع المدرسه كلش مو طايقتها 
من بداية الكورس للحين عدد ايام غيابي 18 يوم و يمكن اكثر بعد 
هذي غير الطلعات بنص الدوام
تخيلو من تاريخ 12-4 الي اهو اخر يوم اختبار اخر الجدول مو مداومه دوام كامل امتحن ساعه و اطلع 
طبعاً دفاتري تصفر
فآآآضيه و مالي خلق اداوم كلش كلش كلش
طبعا يوم يانا الغبار ما صدقت على الله غبت اربعا و خميس و لا تشوفون شاقه الضحكه من هني لي هني
و هالشي أثر على مستواي و على الشفوي المنيّل مالي
فـ انا كلش اذا شقيت عمري هالكورس بالدراسه و الفاينل و جذي آييب 86 هذا اذا كلش كلش يعني طلع مني شي
فـ مابي انا
قاعده أفكر أعيد السنه شرايكم ؟!!!
عشان اييب نسبه
طبعاً السبب الأول و الأخير بلي انا فيه الغده ! لأن وايد تأثر على النفسيه بشكل كبير والله لو اصور لكم ادويتي بتخترعون لوووول صيدله كامله عندي معدتي إنهارت من الأدويه
و قطيعه هذي الحبه مالت فقر الدم تقولون ماكله رصاصه مو حبه تقعد على جبدي وااااي
من جذي مالي خلق أداوم و لا لي خلق أجابل من كلشي
تأيدوني أنثبر بالبيت هالكورس و اييب نسبه بالثمانينات و خلاص اعيدها و اروح 12 !!!
و لا أكمل و أفتك ؟
محتآجه دعواتكم لي . . بالشفاء : )
ناطره اقتراحاتكم علي انا ابي اشاوركم لأن اعتبرركم اخواني والله : )
و شرف كبير لي اني آخذ رايكم : )