اول شي كل الشكر لأختي ابلة الورعان على فكرة المقابله الي افادت كثير من الطلبه ..
حبيت اجدد هالفكره ..عشان يستفيدون الخريجين ..
السلام عليكم اخوي dr.victor اول شي حبيت اشكرك على موافقتك بالقيام بهالمقابلة ..
كل الشكر لج اخت ميمي….ومشكووره على هالثقه
اول شي الID منو dr.victor ?
الأسم : ناصر الـ….
العمر : 19 سنه
الدفعه : 2019
اسم الجامعه : جامعة العلوم والتكنولوجيا الاردنيه just
مقرها : الاردن-اربد
التخصص : طب اسنان
1_ كم هي النسبه التي حصلت عليها من الثانويه ؟؟
89.38 >>> تقريبا 90% ولله الحمد
2_ ماالذي دفعك للدراسة بالخارج ؟؟
بصراحه جامعة الكويت وضعت لنا اجراءات تعجيزيه للقبول في الطب ومنها اختبار القدرات
وانه الواحد اذا انقبل بجامعة الكويت يحطونه بمركز العلوم الطبيه
>>>يعني مو شرط يقبلونه طب ….يعني على حسب النسبه
وخاصتا طب الاسنان بالكويت يقبلول شويه
3_ هل قمت بتقديم اختبار للقدرات قبل التحاقك للبعثه ؟؟ و ما هي المواد ؟؟
اختبرت كيميا ورياضيات و E >>> وبصراحه ما نجحت بالرياضيات
4_ما هي الأجراءات اللازمه التي قمت بها للتقديم بعثه للخارج ؟؟
شفت الاعلان بالجريده….ورحت التعليم العالي….تالي سجلت الكترونيا بالانترنت
5_ هل ترى صعوبه في دراسة طب الأسنان بالخارج ؟؟
بصراحه الصعوبه موجوده ومع تفاوت الصعوبه من دوله الى اخرى….
ومع العلم بأن جامعتي لا تقل صعوبه عن جامعات امريكا….بل انها تتجاوزها بالصعوبه
6_ما هو سبب اختيارك لتخصص طب الأسنان ؟
باختصار……حلم الطفوله من زمان…..وطول عمري كنت اسعى ورا هالحلم…والحمد لله تحقق
وبديت بخطوه اصعب….الا وهي المرحله الجامعيه
7_هل مستوى اللغه الأنجليزيه له عامل مهم في دراسة الطب ؟؟
و ما مدى تأثيره بالمستوى الدراسي للطالب؟؟
طبعا مهم….يمكن خريجين المدارس الحكوميه يواجهون صعوبه بالبدايه…ولكن انشالله بعدين راح يتعودون
8_ اذكر بعض الصعوبات التي واجهتها أثناء دراستك في الخارج ؟؟
التأقلم على فقدان الوطن والاهل والاصدقاء
وواجة صعوبه باللغه شوي
وبصراحه واجهتني مشكله صحيه….الجامعه كبير ويبيلها لياقه بدنيه
9_ ما هي المواد التي أعاقت طريق نجاحك ؟؟و كيف واجهت صعوبتها ؟؟
الكيميا….لأنه ما كنت متعود على الغربه ….وشوي في صعوبه في التعامل باللغه الانجليزيه
وبالجد و الاجتهاد تغلبت عليها
10_ من شجعك على الدراسة بالخارج و ماذا كان موقف الاهل من قرارك ؟؟
بصراحه ابووي اهو اللي خلاني افكر بالسالفه…ولا انا كنت معارض وبشده فكرة الاغتراب
ولكن لما شفت اني اقدر احقق حلمي(طب الاسنان)قررت اسافر وادرس بره
11_هل واجهت مشكلة السكن ؟؟
اي والله واجهت…وكل طراق بتعلومه…..لازم الواحد يتعلم من اخطاءه
12_هل تؤيد دراسة الطالبه في الخارج ؟؟و لماذا؟؟
بالنسبه لي…..أأيد الدراسه بالخارج للشباب….لكن لازم يكوون قوي وقدها
ولكن ما اشجع انه البنت تسافر للخارج….وجهة نظري
13_ ماهي نظرتك لمستقبل الطبيب الكويتي ؟؟
مستقبل مشرق باذن الله…ولا يقل الكويتي عن غيره شيء
14_ أهم النصائح التي تقدمها الي كل طالب يريد تقديم بعثه للخارج ؟؟
الدراسه الدراسه….
خلك زين مع الناس….
الطيبه الزايده ما تنفع….لا تجاملوون احد على حسابكم
15_ كلمه اخيره توجهها الى كل طلاب الطب ؟؟
اولا كلمه اوجها لج…يعطيج الف عافيه على هالموضوع الروعه
ثانيا اقوول لأخواني….هالله هالله بالكويت…..الكويييييييييت امانه…..
اتنى انكم تحترمون الدوله اللي انتو جايين منها
_________________________________________________
انشاءالله كل سنه رح تتجدد المقابله مع عضو ثاني يدرس برا ..
اتمنى انشاءالله من كل طالب يفكر يدرس بالخارج يستفيد من هالمقابله ..