اول شي احب امسي عليكم بالخير والرضا واقول انه لشرف لي ان اكون عضوا في هذا المدونة اللي هدفه الاعطاء وافادة ابناء وطنه الغالي
بيض الله ويه اللي انشأه وبيض الله ويه كل من ساعد في انشاءه
انا من باب الولاء للكويت اللي ترعرت فيها وكان لحم كتافي من خيرها جيت للمدونة هذا بناء على طلب اصدقائي واخواني القدامى بعرض خدماتي في هذا الصرح العظيم بجلب قبولات لهم في استراليا ونيوزلندا سواء للغة او البكالوريوس او الماجستير والدكتوراه ..
اول شي حبيت اوضح اني مشرف على طلاب بريزبن والقولد كوست في مدونة مبتعث اشهر مدونة للمبتعثين واللي يقاسم هذى المدونة الهدف السامي وهو مساعدة الطلاب المبتعثين ..
اللي منكم يبي يروح يطور لغته في استراليا او نيوزلندا لمدة محددة ويبي قبول لغة منها يروح للغة ومنها تكون سياحة انا على استعداد اوفر له قبول لغة وعائلة للفترة كلها اللي يبيها …
واللي يبي يكمل دراسته للبكالوريوس او الماجستير ويبي قبول هم انا مستعد بمساعدته في جلب القبول ..
وفوق هذا وذاك انا على استعداد على اجابة استفساراتكم سواء على العام ولا على الخاص ولا على ايميلي بس الرجاء اللي عنده استفسار ويحس ان فيه غيره راح يستفيد منه انه يضع استفساره في العام وانا راح اجاوب عليه بحيث يوفر الوقت على غيره …
اتمنى اني ماكون عضو ثقيل عليكم وهمي الاول والاخير رد الوفاء والجميل للكويت وابنائها اللي عظامي كبرت على خيرها وخير هلها …
والرسول عليه الصلاة والسلام يقول ( خيركم خيركم لاهله)
تقبلوا تحياتي
[/size][/size][/size]
السلام عليكم
كل الشكر لك اخوي ماقصرت
ممكن ايميلك