السلام عليكم
اشلونكم
اشكر كل من حظر وساهم في نجاح هذا اللقاء اشكر خاصه
دكتور عمار الحوسيني الي ماقصر معانه وبطلته علينه
واشكر طالب الماستر عبد الله العبد الهادي الي افادنا بمعلومات قيمه صراحه
اشكر عامر الهاجري ماقصر معانه وفي طلبه ملبورن خاصه
اشكر عبد الله جما الي افادنا في نيوزيلندا وشعبهم
واشكركم كلكم حمد الله توفقنا واتمنى انكم استانستو معانه
الحين احطلكم بعض الصور الي صورناها وبعدها نبدي بالموضوع >>>عيل كل هذا شنو لووول
دكتور عمار الحوسيني الي ماقصر معانه وبطلته علينه
واشكر طالب الماستر عبد الله العبد الهادي الي افادنا بمعلومات قيمه صراحه
اشكر عامر الهاجري ماقصر معانه وفي طلبه ملبورن خاصه
اشكر عبد الله جما الي افادنا في نيوزيلندا وشعبهم
واشكركم كلكم حمد الله توفقنا واتمنى انكم استانستو معانه
الحين احطلكم بعض الصور الي صورناها وبعدها نبدي بالموضوع >>>عيل كل هذا شنو لووول
من اهم النقاط الي انذكرت
الغياب ياشباب ويابنات
مثل ماقالكم الدكتور وطالب الماستر
انه ستتم عندهم مرتبط باداره الهجره يعني انت اتغيب اهنيه راح اتكون بموضع شك
ومثل ماقال الدكتور عن طالبه ادرست 3 اسنين واخر شي تكنسلت فيزتها وبسبه الغياب
يعني اتمنى تهتمون حق هل نقطه
اللغه
ذكروا الشباب حاولو كثر ماتقتدرون تحتكون بشعب الدوله نفسها
وحاول انك اتكلم كثر ماتقدر بالبدايه اتخاف تغلط بحرف ولا كلمه عادي لابد من الخطا بدايه لكن
المهم تطلع بشي مفيد مع الايام اللغه بتصير اقوى واقوى
الحد الاقصى للغه سنه كامله يعني عادي امتحن الاليتز مره ومرتين وعشر مافي اي مشكله لين اتيب اعلى درجه
وشي ثاني السكن
حرصوا الشباب انه بالبدايه نسكن عند عايله علشان نتعلم على الاقل نظام الدوله اشلون ماشي ويعلمونه كل شي
ثالث شي سنه اللغه والفاونديشن راح اتكون دراستها بالمعهد
انا كان علبالي اللغه بس بالمعهد والفاونديشن والتخصص بالجامعه انا اتكلم عن استراليا نيوزيلندا ماعندي علم
اشكر اداره المدونة على دعمهم لنا وماقصروا معانه صراحه
والبروشورات توزعت على الكل حمد الله وخاصه الدكتور عمار الحوسيني انا متاكد انه بيدش ويشوف هل موضوع
اشكرك يادكتور جزيل الشكر
وبالنهايه اشكر اخوي محمد البريكي الصراحه حيل ماقصر بولا شي اهوه الي سوه الانجاز هذا
الله وفقنا والحمد الله التوفيق من الله ثم من طلتكم الحلوه حمد الله طلعتوا مستانسين
اي واحد عنده اي سؤال عن تجمع او عن دراسه يسال وان شاء الله مانقصر معاكم
وراح يكون لنه تجمع ثاني ان شاء الله لكن خارج الكويت الحبيبه
الله يوفقنا ويوفقكم وان شاء الله انيب شهاده رافعين راسنا واحنا طالعين الاوائل قولوا امين