السلام عليكم و رحمه الله و بركاته,,
أول شي ألف مبروك للي إنقبل, و مبارك عليكم الشهر مقدماً
ندش بالموضوع,
أنا أنقبلت هندسة معمارية بأمريكا و الحمدالله و رغبتي فيها تقدرون تقولون 60% لأن الهندسة المعمارية ما تتعمق بالتصاميم كثر تخصص "المعمار" اللي كنت أبيه بس للأسف شالوه.
بنفس الوقت أنا طالب بكلية الهندسة بجامعة الكويت مقدم "عالمنافسه" لتخصص "العمارة" في وقت تسجيلي بالجامعة ( كورس ثاني ) و بداية شهر 7 دزولي مسج إن لازم أروح صاله القبول و التسجيل لضمان المنافسة, و بالفعل رحت و خلصت أوراقي و الموظفة اللي سجلت أسمي في العمارة كان عندها خبر إني مقدم للبعثات لأني كنت قاعد أتحلطم معاها إنهم سكروا كل الأبواب بويهنا و ما بقى غير العمارة في الكويت..
أسف عالإطالة, عموماً!
اليوم فتحت خطي و عرفت إني إنقبلت بالبعثات و بصراحة من البداية كنت حسبالي إني إنقبلت عمارة بالكويت و لما عرفت شالسالفة شوي إنغمت قلبي ..
المشكلة الحين شنو؟
جامعة الكويت مطرشيلي مسج إنهم ألغوا تقدمي للعمارة لأني إنقبلت بالبعثات و إن لازم أراجع صاله القبول لغاية يوم 19 ( الخميس )
أعتبروني أخوكم و نصحوني شنو أسوي,
1- هل أسحب البعثة و أرد أقدم عالمنافسة و أجرب حظي؟
أنا معدلي المكافئ 84.71 و القبول الفوري للعمارة 95 و للحين مانزلوا النسب الدنيا فماني عارف
2- إذا أنسحب من البعثة و مكا إنقبلت عمارة بالكويت هل أقدر أقدم مرة ثانية للشواغر؟
بصراحة أنا مو مرتاح لسالفة الغربة و السفره كلها فأفضل أدرس بالكويت 