Presentation For EPP ,, حيآكم ~

السلام عليكم ورحمة الله وبركاته

شلونكم يآ طآحسون ..
مآلكم حس ولآ مرة بالغلط على المدونة ..

عالعموم أتمنى كلكم بخير ان شاء الله ..

اليوم موضوعي بيكون عن البريزنتيشن
[عزيزي الزائر يتوجب عليك التسجيل للمشاهدة الرابطللتسجيل اضغط هنا]

وبيكون مفيد بإذن الله خآصة للمستجدين وإلي مثل حآلتي ولآ عمرهم سوو بريزنتيشن حق المدرسة ومتوهقين بالجآمعة

..بيكون فيه كل شي تحآتجونه عشآن تسوون بريزنتيشن نآجح والي عنده أي سؤآل رآح أحآول كثر مآ أقدر أرد عليكم

أول شي ..
منو فكر فيكم شنو الهدف من البريزنتيشن ؟ مع العلم بعض البريزنتيشن يكون مآله هدف !! بمعنى يطلعون لكم موضوع مثلا عن السمنة أو الدرآسة أو .. الخ يعني شي مآله دخل بمنهج الـ EPP ( للمستجدين )

الهدف :

تدريب الطلبة على التحدث جدآم جمهور..يعني انا وحدة من النآٍس أستحي حيل أتكلم جدآم نآس وآيد لآ وبعد بالإنجليزي بس الي تدرسني عطتني 2 برزنتيشن بنفس الاسبوع والخوف والتوتر الي فيني كل مآ له ويقل الحمدلله وطبعا الممارسة لهآ دور كبير بإزآلة الخوف سواء جدآم امك , أبوك , أخوك , نفسك بالمنظرة

..ثآني شي يشجعونكم تتكلمون انجليزي وبطلآقة ..بالمدرسة كلش مآ كنآ نتكلم انجليزي حتى بالحصة نبي نشرب المآي نقولها بالعربي خآصة اذا كآنت المدرسة او المدرس عربي واذا تكلمنآ قلنآ جملتين مع ضرورة وجود جم بدلية وخطأ بالقرآمر

نيي حق أهم قوآنين البريزنتيشن النآجح :

-الصوت العآلي

خل يكون حسك نفس حس الأستآذ بالمدرسة وانتي نفس حس الأبلة..وقيسو هذآ على كبر الكلآس الي انتو فيه مثآل انا شفت البنآت يتكلمون بنبرة عآدية بكلآس صغير بس لمن قدمت البريزنتيشن بنفس النبرة وبكلآس ثآني كآن صوتي مو وآضح والسبب انتشآر الصوت بالغرفة والي ورآ مآ قدر يسمع فكثر مآ تقدرون على عالصوت لآن هالنقطة مهمة

-الوقفة

[عزيزي الزائر يتوجب عليك التسجيل للمشاهدة الرابطللتسجيل اضغط هنا]
الي يبي مصلحته لآ يتعكف وآهوآ وآقف خآصة البنآت لآ تلفين ريلج على بعضهآ ولآ تشدون أعصآبكم وتيبسون جسمكم خلكم ريلآكس وجتوفكم لي ورآ وبينو انكم وآثقين من نفسك وكلآمكم بس مو بطريقة تبين ان موهآمك شي وانا الفلتة بالانجليزي والي عآرف كل شي بالدنيآ

-النسيآن
[عزيزي الزائر يتوجب عليك التسجيل للمشاهدة الرابطللتسجيل اضغط هنا]

اهم شي لآ تطآلعون فوق أو تطآلعون الدرآيش أو الجمآدآت بطريقة تبين انكم تتذكرون شي لآن مثل مآ ذكرنآ الغرض من البريزنتيشن اهي الطلآقة فغلط انك تتذكر شي واذا صآرلك موقف ونسيت حآول ترقع بأي كلمة ثآنية او تضيف جملة من عندك تدعم الموضوع او تسكب بالجملة وتروح حق الي ورآهآ

-مدة البريزنتيشن

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

حآولو كثر مآ تقدرون تلتزمون بالمدة المحددة لآ أكثر ولآ أقل لآن لو كثرتو أو قللتو هالشي يأثر على القريد وينزلكم ودخلو أسئلة حق الي قآعدين وجذي

-الموضوع

بليز بليز بليز هالنقطة مهمة حيييل.. لآ تييبون كلمآت صعبة جدآ بحيث الي بنفس مستوآكم مآ يفهمهآ..مآفي مآنع اتييبون كلمة كلمتين ثلآث لكن لآ تخلون موضوعكم كله كلمآت صعبة و بجذي تضيع قيمة البريزنتيشن ويصير ممل وفي سآعآت الي يدرسون يحس ان موضوعكم كوبي بيست من مكآن بحيث انه يكون علمي وكلمآته صعبة وبجذي يتعمدون يحرجونكم شنو معنى هالكلمة و من يآيب هالجملة … الخ
باختصآر موضوعكم خلوه بسيط مفهوم مآفي مآنع كلمة صعبة بالبوربوينت تحطون شرحهآ بخط صغير على جنب خآصة اذآ كآنت مكررة..

-التوآصل

حآولو ان يكون فيه eye contact بينكم وبين الزملآء وترى عليه قريد بعد ويأثر على أدآئكم لآن مو معقولة تقول بريزنتيشن وتطآلع الدرج او الأرض أو الي يدرسك لآن الموضوع لزملآئكم مو لغيرهم و الابتسآمة ضرورية بعد

-البوربوينت

الي مآ يعرف لآ تخآفون رآح يعلمونكم عليه بالـ Computer LAB واذا مآ علموكم طلبو من الـي يدرسونكم هالكلآس انهم يعلمونكم لآن وجوده ضروري بالبريزنتيشن واهوآ الي يدعم أفكآركم و تقدرون تحطون نوت عليه عشآن اذا نسيتو تلفون تذكرون لكن مو تحطون البريزنتيشن كله لآ حطو رؤوس أقلآم

نيي الحين حق البريزنتيشن وشكله ..

طبعا بالـ EPP البرزنتيشن ينقسم حق 3 بالكورس الوآحد..
ألأول أنفرآدي يعني بروحكم .. الثآني ثنآئي يعني مع زميل .. والثآلث يكون team أو Group يعني 3 أو أكثر عآدي

الشكل :

يتكون من

-مقدمة :
تسلمون فيهآ وتقولون عن شنو بتتكلمون وتعطون لمحة بسيطة عن الموضوع بشكل عآم بدون تعمق
-الموضوع :
تفآصيل الموضوع واذا كآن يتكون من نقآط فلآ تحطون أقل من 3 نقآط لآن اقل شي 3 نقآط
-الخآتمة :
تقدرون تحطون نصيحة أو رأي شخصي وأخر شي تشكرونهم على استمآعهم و انتبآههم وهالشي جدآ مهم جدآ عشآن تنهي الموضوع لآن مآ يصير تكشتون بالجمهور وتنهون الكلآم وتمشون بدون شكر

البوربوينت :

الأفضل انهآ تحتوي على
-رؤوس أقلآم وعنوآنين
-صور جذآبة
-Links للموآقع الي استعنتو فيهآ
-تأثيرآت البوربوينت المعروفة " شلون يطلع الكلآم والصور وتتقلب ومآدري شنو وتختفي..الخ "

وبجذي أكون تقريبا عطيتكم نبذة بسيطة عن كيفية تقديم بريزنتيشن و ان شاء الله الكل يآخذ قريد عآلي اذا اتبع هالنقآط

موفقين ان شاء الله وأي سؤآل انا حآضرة

سبحان الله و بحمده