السلام عليكم ورحمه الله وبركاته
الف مبروك للمستجدين والى خذوا تمهيدى ترا سهل ولا تحاتون ولاشي والوضع الى انتو فيه ترا طبيعى وراح يعدى 
ولا تصعبون الامور على نفسكم
هنى بحاول اشرح كل شي اذكره عن التمهيدى من الالف لى الياء
اول شي بتكلم عنه الكتب كل للفل له كتب لكن نفس المهارات Reading,READING RESOURCES, SPEAKING,WRITING,LISTENING
كل الكتب سعرها اعتقد 80 دينار للفلات الثلاث ولانه كل استاذ له طريقته فالشرح فافى البعض وانا منهم ما استخدمنا الكتب في اللفل 3 وفي من اللفل 2 ويعتمدون على الى يقدمه الاستاذ من اوراق وغيره
طبعا زدت على الموضوع حسب الاسئله الى تبونها وبموضوع واحد على شان يكون مرجع لكم وشامل 
بخصوص الدكاتره انا للفل ون وتو مع استاذه بريطانيه ما قول لكم قويه حيل لكنها طيبه والدرجات على كثر الى تستاهله وشوى بالبرزنتيشن صعبه لكن كل كلاس تطور من اسلوبها وطريقه تدريسها فااتوقع السنه اليايه بتكون واايد زينه بالشرح والوقت التزام التزام التزام >>> وماله داعى اقول شكثر البريطانيين متمسكين بالقانون
وللفل ثرى مع استاذه كويتيه طبعا الكويتيه اقوى بالشرح >> لا تتفاجئون واقع
شديده بس تراعى ظروف وتحب الى تاخذ وتعطى معاها وبالدرجات زينه واايد والوقت اكيد الالتزام مطلوب
والاساتذه بشكل عام يحبون المجتهد يعنى لا تقولون احنا اضعاف بالانقليزى نسكت احسن لاء اهمه نفسهم يقولون لكم غلطوا وتعلموا انتو اهنى على شان تتعلمون
بس هذا ما يعنى انهم زينين في اساتذه لك عليهم يصعبون الامور عليكم انتو وحظكم>> مابي اخرعكم بس هذا الصج ومع هذا الى محترم نفسه وملتزم بالوقت ومجتهد محد يقدر يسقطه
وبخصوص المحاضرات طبعا مو كل الكتب كل يوم >>> راحت ايام الاثقال 
على حسب اليوم مثلا كل احد ريدنق وسبيكنغ لانه باليوم محاضرتين بينهم بريك قصير مو مثل الاكادميين >> حره
الاورالوغ >> الملاقه
تدريبات على الكمبيوتر بالقواعد والاستماع ومتنوع بشكل عام
باللفل ون ما عليه درجات بس الاسئله نفسها تى بمتحان المد تيرم نفسها بالضبط بالضبط مو كلها بس اغلبها
ولى يبي يستفيد من التمهيدى يحله لانه مليق بس مفيد
باللفل تو له ساعتين ا بالكلاس تحلهم وبعدها الاستاذ ياخذ الدرجه >>> يدخل بالتقسيمه
باللفل ثرى يبط الجبد وهم يدخل بالتقسيمه >>> اهم شي الشرح لوول
LEVEL 1
له تقسيمه درجات معينه باول يوم راح تعرفونها طبعا ماتدخل بالمعدل بس تضمن لكم النجاح
فيه اعمال مع الاستاذه وبرزنتيشن ومد تيرم وفاينل
بخصوص الاعمال : اكثر الكلاسات بتقزر لعب مع الاستاذ يعنى المهاراه الى تاخذونها مو نفس المدرسه تعيدون وتزيدون فيها لاء تمارسونها بلعبه مثال: مهاره الاستماع تسمعون كلمه وترفعون ايدكم وكل ايد ادل على ايجابه يعنى شي بسيط وغيره من الواجبات
البرزنتيشن على حسب الاستاذ اذا يبي كل اسبوع على شان ادربكم لى المدتيرم والفاينل ولا لاء
والموضوعات بعد تختلف فيه بس غالبا المد تيرم والفاينل الفكره وحده على جميع الكلاسات
يدربونك على الوقفه امام جمهور مستمع وتحاول توضح الافكار وتخليهم نشيطين معاك والتفاعل حلو بينك وبينهم
وهذا اهم شي بالبرزنتيشن
المد تيرم الدرجه فيه من 70
يخص المهارات في الى مستواهم فوق البسيط ما يدرسون له لانه شي بسيط وسهل واهم شي حل الاورالوغ
يضمن لك درجات بسيطه ونفس الى تاخذونه بالقواعد والكلمات ييكم بالامتحان مو مثل المدرسه كل القواعد
يعنى شي محدد وسهل
::الامتحان ::
اول صفحه الاسم والسكشن والتاريخ
صفحه الاستماع : اول شي النطق تسمعون كلمه وتختارون بين pوb
صفحه االاستماع: توصيل بين الكلمه ومعناها وفي بعد تسمعون الساعه وتختارون التوقيت
وفي خريطه بعد ياويلهم الى كانوا علمى لووووول عاد خريطه الصين واسمع المناطق وحددهم على الخريطه 
ويعنى شي بسيط
صفحه القراءه فقره وعندك بوكس بالامتحان الشي الى مو موجود بالفقره حط جباله صح
الكتابه ما اذكرها بالضبط >>> الكبر شين بس شي سهل هذا لى اذكره
وفي برزنتيشن ويكون له درجه SPEAKING بالامتحان ويكون قبله بيوم او يومين يعنى على حسب الاستاذ
الفاينل
الاستماع يكون عن العلماء والاختراعات
والقواعد بفقره وانت اقرا الفقره وصحح الخطا ويحطون لك مثلا فيها ثلاث افعال خطا واحد حرف جر
وعليك الحساب >> اقصد الحل 
اممم هذا الى اذكره حاليا
LEVEL 2 @_@
له تقسيمه تفرق عن اللفل ون لانه الاورالوغ يدخل بالحسبه
وله كلمات اكاديميه وتمتحنون فيها وشي بسيط بس حفظ الكلمات وااايد يسهل عليك الدراسه الاكاديميه واللفل ثري
له مدتيرم وفاينل وبرزنتيشن بس اقل من اللفل ون
واهم شي بهاللفل راح يعلمونكم شلون تكتبون الاسي وتقريبا يمهدونكم للفل ثري وحتى بالامتحان مو مثل للفل ون لاء بكون عن كتابه الاسي
LEVEL 3
مافي مدتيرم وفاينل يعتمد على الاسي >> تقرير وفي طرق للتقرير الاقناع بفكره وغيره ويكونون اربعه مع البرزنتيشن
وشوى هالفتره صعبه لانه التقرير من الف كلمه او الف وخمس ميه ولازم ما يكون مكرر ولا تتعرض لاجراءات مو من صالحك النسخ او حتى تاخذ من رفيجك لانك بسهوله بتنصاد
وهنى بعد بتاخذون كلاس زياده عن اللفلات الى طافت يعنى مثلا هالكلاس يشرح لكم عن المشكله وشلون تحل المشكله الاسي او البرزنتيشن من بعدها يكون عن مشكله وحلولها بينى وبينكم ماله داعى
هذا الى اذكره وانشالله خير لكم وسورى على البدليات تعبت وانا اكتب