التصنيف: الجامعة العربية المفتوحة

اليوم رحت الجامعه بخصوص المكافأة <<<مستعجله عليها

عطوني ورقه اهي نفسها اللي عطوني اياها التعليم العالي عاد انا ماخذه الورقه من امس من التعليم العالي ومخلصه اوراقي من امس

1-صورة بطاقتي المدنيه + صورة البطاقه المدنيه لأبوي
2- ورقه من الشؤوون اللي في برج التحرير مكتوب فيها اني ما استلم اي اعانه او مبلغ من اي جهه
3-ورقه التأمينات مكتوب فيها نفس الشي اني مو موظفه ولاشي
4-تحويل راتب من البنك هذه تاخذونها من فرع البنك اللي انتوا منتسبين له
5-لمن يهمه الامر من الجامعه ان الطالب الفلاني كويتي الجنسيه وانه منتسب بالجامعه من سنه كذا ومازال مقيدا فيها
<<<ترى نسوا يكتبون شهاده من وزارة الداخيله انك ماعليك ولامخالفه

المهم
جمعت اوراقي ورحت عند شؤون الطلبه بالجامعه اللي بالريسبشن قعدت يتكلم شكله مو فاهم :S مادري ماله خلق مادري ماله شغل اهوا بالاخير قال احنا مالنا شغل موعندنا ؟؟؟<<<يعني قايله شي جديد اهما دايما جذي
وقالي روحي عند اول مكتب بالادارة
رحت عند اول مكتب بالاداره طلع نفس الشي يقول روحي عند سماح الدهون مادري شدخل سماح بالمكافأة الاجتماعيه
المهم رحتلها المكتب مقفول ؟
رحت عند المكتب اللي يمها الانشطه الطلابيه لقيت اثنين عطوني بعد الورقه اللي اهي نفسها عطوني اياها التعليم العالي والريسبشن ((لاعت جبدي من هالورقه ))
قلت ادري عندي هذه مطلعه اوراقي قالوا روحي للريسبشن :'( قلت الريسبشن يقولون لي اهني قالوا خلاص روحي للمكتب مو اللي يمنا اللي وراه
رحت لقيت الدكتور ابراهيم الشريفي وقلتله كل اللي صار جان ياخذني لشؤون الطلبه بالريسبشن وكلم هذاك اللي اسمه علي وجمع اوراقي كلها هذا احفظوا اسمه علي 😛 المهم جمعهم كلهم ومانقص ولاشي الحمدلله قال خلاص خليهم عندي واخذهم

ابوي يضحك علي يقول والله شكلهم بيضيعون اوراقج وبتطلعينهم من جديد يقول جامعتكم اهماااااااال اصلا اهما بروحهم مو عارفين شي عن الاعانه

اللـــه يستــر على الاوراق اللي طلعتهم وعطيتهم

المهم قولولي اي شي يصير عن الاعانه

اي تخصص it نصحوني ادخل
واول فصل شو اخذ مواد

……………….
شكراَ