السلام عليكم ورحمة الله وبركاته
نعود مرة اخرى
كيف الحال ؟
عال العال ؟
تمسكا باللبس التقليدي اطرح هالموضوع
الي ماله اول ماله تالي لبسنا التقليدي الي اهو ( دشداشه – عباية ) من الاشياء التراثية والتقليدية الي مازلنا الى الآن متمسكين فيه. وهو من الاشياء الي تعطينا ميزة وشكل وطابع غير عن باقي الشعوب. لذلك انا حبيت اطرح هالموضوع لاشجع ونتمسك بلبسنا التقليدي.
تاريخ اللبس
معلومات وابحاث واستنتاجات شخصية 
يرجع تاريخ لبسنا التقليدي الى مئات ويمكن آلاف السنين وكان يتكون في السابق من قميص – أزار – ورداء … واحيانا عباءة او بردة ومع تغير الزمن تغير شكل هذا اللبس ولكن في الجوهر والاساس لن يتغير واقرب زي لزينا القديم هو ما يلبسه (الافغان) فالقميص الآن هو( الدشداشه) والازار( الصروال مكسر ) والرداء (السديري) والعبادءة او البردة هو (البشت ) والغترة والعقال ( كانو يستخدمون العقال لعقل الناقة اي لربط احد ارجلها ليوقفها كي لا تذهب بعيدا, والغترة في السابق قطعة من القماش توضع على الرأس للحماية ولها استخدامات عده فكان الشخص اذا مشى ربط العقال على رأسه)
فوائد اللبس التقليدي
كلنا سواسيه ( سواء الخام بريطاني اسباني ياباني ما يبين)
ما يسبب الملل ( كل يوم تشوفه بنفس الدشداشه بس ما يأثر )
تقل او تخفف القطات والقرض والحش بلبس الشخص ( مافي شوف شلابس ومن هالحجي )
لبس ساتر
يصلح حق لعب ( نرجع لايام اول ارفع دشداشتك وعضها والعب عنبر )
قلل الصرفية ( مو كل ثلاث ايام شاري دشداشه )
غسيل كوي بدون مشاكل
ما اتطول وانت تشتري ( ماكو تحيير بالالوان كله تقريبا نفس الشي )
الموضوع اهو بشكل عام شنو تفضل اللبس التقليدي ولا اللبس الغربي ؟ (اولاد وبنات)
ليش بس تلبس الغترة وعقال بالمناسبات ؟ دام تدري انها زقرت خلك ازقرتي على طول 
واتمنى انا نحافظ على لبسنا وتاريخنا وتقاليدنا
وشعاري بهذا الموضوع
دشدش مع عبدول وخلك زقرتي على طول