نبي حل؟؟ تعبنا من الموضوع

السلام عليكم ورحمة الله وبركاته

شخباركم يا اعضاء وعضوات المدونة … وطلابنا الشطار ؟؟؟ ان شاء الله بخير
حبيت اتكلم اليوم عن موضوع يعاني منه كل كويتي وحتى حنا واكيد لنا راي وصوت في هالموضوع
اول للموضوع اكثر من نقطه … وراح ابدأ بالتدريج

اولا اللي اثار هالموضوع بالضبط .. مانشيت بالجريده .. امس بعنوان !!

(( علاوة الاولاد .. مائة دينار ))

مكتوب بجريدة الوطن اكيد الكل قراه .. انا لما قريته تضايقت حيل وما فرحت لان هذا اقتراح راح يتم عرضه على مجلس الامه للموافقه عليه … واللي ضايقني اني ما ابي يوافقون عليه .. لان اذا وافقوا عليه راح يصير شي الكل يعرفه

>>>> غلااااااااااااااء الاسعااااااااااااااااار

والتجار راح يلعبون باسعار السلع من كل الاصناف سواء الاغذيه او الملابس او العقارات

كل شي راح يزيد سعره >> وبصراحه تعبنا من هالموضوع

كل مازادت الحكومه المعاشات تزيد الاشياء الثانيه دبل الدبل >>> وعذر التجار >>> معاشاتكم زادت
حتى الهنود وهم الهنود يحاسبونا على معاشاتنا >> اتذكر موقف بالكليه حصل لوحده من رفيجاتي تبي تصفط بالموقف الا يقولها الهندي تبيني احرك السياره عطيني 5 دنانير عشان اخليج تصفطين مكاني ..قالت له خير ان شاء الله اعطيك خمس قال انت كويتي امس يزيد معاش 50 دينار ما في يعطي 5 بس

موشي يقهر >> حتى الهنود

شلون نحمي انفسنا من هالطمع … اللي كل يوم قاعد يسحب منا الملاييين >>> ادري تقولون تبالغ
بس والله ما ابالغ حسبوها بالعقل >> وجاوبوني ؟؟!!

كل شي يزيد الايجارات العقارات … الملابس .. والاكل حتى الاكل صار محسوب علينا وين وزارة التجاره ليه ما تحط حد للشي هذا ؟؟؟ هي المسؤوله عن حماية المواطنين من طمع التجار
صحيح حنا للحين طلاب بس لنا راي وصوتنا مسموع …وادري اكثركم بقولون ليه نتكلم في هالموضوع … نبي نعرف ارائكم لان حنا مستقبل هالارض الطيبه

ولازم نصونها ….

هذي وجههة نظري ومنتظره اسمع وجهة نظركم ~~>> بفارغ الصبر

سبحان الله و بحمده