يعطيكم الف عافيه : )
يمكن هذا اول موضوع حقي بهل قسم…اممم طبعا ما نزلت هل موضوع الا لمن شفت شغله منتشره وايد هل ايام واهي سالفه (الجمال جمال الروح) !!!! شنو يعني!!!!
اي جمال روح هذا الي يتكلمون عنه اذا ما كان معاه جمال شكل؟؟؟ ادري يمكن افكاري بالنسبه حقكم مخربطه وغريبه لأن كل الدنيا تتكلم وتقول (الجمال جمال الروح) بس انا مع احترامي حق اصحاب هل نظريه
اشوف هل نظريه حدها غلط…اهي نظريه حلوه بالكلام وبالحجي (بس بالتطبيق حدها صعبه)
خل نوخر عن الرسميات شوي والمجاملات ونتكلم بصراحه..تتوقع انت يا اصبي او انتي يا بنيه
تتزوجين شخص محترم وخلوق بس جيكر بالنسبه حقج؟؟ او شكله باللبس ما يناسبج؟
او حتى شكل جسمه ما يعجبج (اذا كان متن او ضعف)…انت يالصبي ترضى تتزوج وحده جيكره ما تقدر اطل بويها كل يوم الصبح…وتغصب نفسك عليها بكل شي والله ليش؟؟؟
(الجمال جمال الروح) >>>ليش انا بحب يني !!!
(ويمكن لو تسألني اقولك مستحيل اتزوج وحده جيكره حتى لو خلوقه ومحترمه)
الجمال جمال الشكل والروح…وصدقوني اذا ما كانوا اثنينهم مع بعض عمرك ماراح ترتاح مع شريك حياتك بالمستقبل
جم واحد وواحد يقول الجمال جمال الروح…ولمن يات وقت الصجيه وشاف الجكر بعينه!!!!! نسى هل مقوله
لأن بختصار هل مقوله تنفع بس بالكلام والاشعار …بس بالصج مستحيل تتطبق
رايكم يهمني : )