عمل المرأة بين المؤيد و المعارض!!!

شوفوا الحوار و بعدين أقول لكم شالسالفه
.
.

بس في نقطة اختلف معاك فيها بس اهي مو موضوعنا ، ان المراة المفروض ما تشتغل و تقعد بالبيت هذا اذا كان عندها عيال و ما تقدر توازن بين شغلها و بيتها اوكي معاك ،،، لكن اذا ما كان عندها عيال شالمانع بالعكس تقدر تشتغل و تساعد زوجها و تعاونه مادياً على بناء حياتهم

حلو بالنسبه للنقطه شوفي أول شي الرجال من يتزوج = ما يقعد سنه الا يجيب الولد الأول = علشان سوالف كثيره + أنه أبو المعرس يبي يشوف أحفاده من اهم الأسباب فمافي وقت أنه مثلا على قولتج مايكون عندهم عيال + إذا المرأه قدرت توازن بين طلبات زوجها وحاجاته وكل شي كمنزليه = خل تشتغل يعني أنه شرط ما تقصر بأمور بيتها ومو كل شي تخليه على الخدامه = تربية الوالد والأهتمام فيه والطبخ وكل شي أوكي مافي مانع يكون في خدامه علشان تسعادها = بس بحدود وطبعا مافي مره تسوي جذي الا إذا كانت (( جونقر )) + إذا الرجال يقدر يلبي طلبات البيت وطلباتها = فليش تشتغل أضن ماله داعي = تخلي وقتها لبيتها ولزوجها أحسن …………………….. وأي صج شوفي يعني المرأه لما تتزوج مو مجبوره تشتغل فمثلا نقول قامت تشتغل علشان تساعد زوجها وجا يوم من الأيام مثلا وجا زوجها لقاها مو مسويه الشغله الفلانيه من يسألها أنتي ليش ما سويتي جذي تقول والله أنا مو كمبيوتر أبي أنتبه لشغل البيت ولا للدوام زين محد جبرج تشتغلين = طلعي وقعدي بالبيت ولا أنج تقصرين ولا يطردج زوجج من شغل البيت بدال لا تنطردين من شغل الدوام (( طالق بال3 ))

اوكي كلامك كله حلو و مثل ما قلتلك اذا ما تقدر توازن بين الأثنين أنا معاك لكن انت تسأل اذا الرييال موفر لها كل شي شحقه تشتغل ،،، فرضاً الله استلم امانه الريال و توفى و ما ترك للمره شي اتوقع راح تضيع عقب كل عمرها معتمده على ريلها و فجأه لازم تعتمد على روحها فالشغل يعطي المره استقلالية و ما تكون معتمده على الريال اعتماد كلي و بالنسبة لسالفة ال من يسألها أنتي ليش ما سويتي جذي تقول والله أنا مو كمبيوتر أبي أنتبه لشغل البيت ولا للدوام مع احترامي اللي ترد على ريلها جذي اهلها ما ربوها صح ،،، بس مو هذا موضوعنا ولا يطردج زوجج من شغل البيت بدال لا تنطردين من شغل الدوام (( طالق بال3 )) بو قليب ما اتوقع ريال راح يطلق مرته لأنها قصرت مره بشغل البيت ، و حتى اذا تكررت السالفة المفروض يكلمها بالاول ينبهها يمكن تكون مو منتبهه و سلامتك

وبالنسبه أنه مثلا لما الله ياخذ أمانة زوجها راح يكونون عيالها موجودين + أخوانها + أبوها = يعني بتقولين أنه بيتخلون عنها ؟؟ أكيد بيكونون معاها أول بأول ولا ليش أخوانها وإذا قلتي أهي ما تبي تثقل عليهم ومدري شنو أوكي أضن الشغل مو شي أنه واحد يتدرب عليه ومدري شنو تقدم على وضيفه وتتوظف ببساطه يعني + وبين ما تتوضيف = شهر أو شهرين = أهلها أصلا ما راح يقصرون وياها وأنا أقصد زوجها من يسألها = يعني مع مرور الزمن المره الاولى تقول نسيت الثانيه تقول سوري خلاص ما يصير خاطرك الا طيب ثالث .. رابع .. الخ الخ لين ما يجي يوم وتقولها وكل يوم تكبر السالفه من ( ………..) الى ( ………………..) (………………………… ) ( …………………………………..) ( ………………………………………….. …) (……………………….. طالق ………………………..) صح ولا لأ فليش عوار القلب من البدايه خل تدير بالها على بيتها بما أنه زوجها ما طلب منها وأصلا الرجال فيه طبع أنه يحب يدلع زوجته يوم يشتري لها شفله يوم يوديها مطعم يوم يوم ويوم …. بس أهي من تتوظف راح تكون قادره تسوي كل هالأشياء فراح تكون عاديه حتى لو سوا لها زوجها جذي فيحس الزوج بالنقص وأنا بالنسبه لي أحس فكرة مره تصرف على البيت فكره غلط هذي مسؤولية الرجل

^
^
^
اللي شفتوه فوق نقاش دار بيني و بين بوقليب حول موضوع عمل المرأة
.
.
و مدام ان من زمان ما تناقشنا قلت خل نشوف رايي بقية الأعضاء بهالسالفه ،، طبعاً انا من المؤيدين لعمل المرأة و بوقليب من المعارضين
.
.
بالنهايه أنا يعني نوعاً ما مع بوقليب لأنه افحمني
.
.
انتو شرايكم ؟؟
.
.
البنات ابي اعرف الوظيفة بالنسبة لكم لي أي درجة مهمه لكم و ليش ؟؟
.
.
الشباب ابي رايكم بالموضوع بشكل عام و ابي اعرف تفضل ان مرتك بالمستقبل تشتغل و لا لأ و ليش ؟؟
.
.
يلا ناطرة ردودكم و سوري ادري طولت

سبحان الله و بحمده