القدرآت وما ادرآك مالقدرآت : )

صبآح مسآء الخير

آول شي انا سويت هالموضوع بسبب موضوع سويته من قبل جم يوم

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

كنت يمكن شبه ضآيعه بحوسه القدرآت خصوصا ان لما كنت ب11 بس قدمته مره وحده !
وطنشت بعدين وخليت تركيزي ب11 ! لان اكيد الكل يتفق معاي انها كآنت وآآيد دسمه و انكرفنا عدل -.-
بس ان شاء الله الحين بندخل 12 و جدامي 3 محآولات بس بحآول قد ما آقدر اني اييب درجآت عدله فيها : )
وعشآن جذي سآلت بالموضوع اللي طآف عن المذكره اللي يوزعونها لما نسجل بالإمتحان

المهم .. انا سآلت وآآيد نآس عن القدرآت بشكل تقريبا كآمل
وعرفت كل شي عنه مآله داعي اقول انه مهم وجذي اتوقع دفعتي عآرفه لوول ;p
و للآمانه ماحبيت اطنش وماقولكم قلت مدام عرفت كل شي ابي انزل موضوع .. و مشكورين حق كل اللي رد علي بالموضوع السابق ماقصرتوا -.-

المهم موضوعي انا بوجهه حق 12 علمي دفعتي .. ويمكن ادبي رآح يستفيد لول مآدري

امتحان القدرآت مثل ما انتوا عارفين بعد شهرين تقريبا
اللي يبي اييب درجه عآليه فيه مآعليه الا :-

*آول شي الدعاء و الذكر والكل عآرف أدعيه الامتحانات

*ثاني شي يحط اباله ان " انا بييب فوق ال90 " و رآح اييبها ان شاءالله
بس لحد يستهين بنفسه خلكم وآثقين بنفسكم ( محد آحسن من أحد ) .

*ثالث شي ادرس بضمير : ) .. على كثر ماتعطي وقت حق درآستك على كثر ما درآستك راح تعطيك

*رآبع شي سو كل شي تقدر عليه سو كل اللي بآيدك ممكن تسويه عشان لاتتحسف بعدين .. والله معآك ان شاءالله : )

انيي حق طريقه الدرآسه الحين و بقولكم كل اللي نصحوني فيه الله يشهد اني ماراح ابخل عليكم بشيء

آول شي قدرآت الرياضيات :-

يمكن اهيا المآده اللي شوي صعبه من نآحيه الوقت و المسآئل .. و مو مثل الآنجليزي تقدر تضمن الدرجه
بس اللي عندي كلهم نصحوني اني ادخل دوره الجآمعه واهيا دوره تسويها الجآمعه قبل كل امتحان قدرآت وتكون الرسوم ب30دينار .. بهالدوره يعطونك كتآب ويشرح لك دكتـور ويعلمك على كل شي ممكن ايي بالإمتحان .. وانا ان شاءالله رآح ادخلها قبل آول أمتحان : ) … ويمدحون هالدكآتره :- سآمر السحآر و بدر الشمري و وفاء امين
وتقدر ترآجع قبل امتحان الرياضيات القوآنين السآبقه :- الزوايا واشكالها وطريقه جمع و طرح الآسس رؤوس اقلام بس
وقالولي تقريبا يمكن كله من قوآنين منهج 12 ..

ثآني شي الكيمياء :-

صرآحه مدحولي دوره الجآمعه وآآآآآآآآآيد .. بس انا مابقص عليكم وبقولكم بدشها
لا انا مافكر اني ادخلها الحين خصوصا ان ابي ادخل هندسه والهندسه بس تبي بالكيمياء نجآح عرفتوا ؟ بس الرياضيات والانجليزي تبي درجه عآليه وآآيد فــ بشوف بآول امتحان رآح يبين
وقالولي ان ادرس كتآب عاشر ( التكآفؤ – الصيغ الكيميائيه – الروابط الكيميائيه ) هذول اللي اتذكرهم من كتآب عاشر
اما كتآب 11 ( حالات المآده و حساب التركيز ) .. وطبعآ من كتآب 12 .. هاذي تقسيمه راح تلقونها بكتآب دوره الكيمياء : )

ثآلث شي الانجليزي :-

انا من وجهه نظري يعتمد على ثقافه الشخص نفسه : ) .. هم الانجليزي لها دوره وكتآب الدوره تدرس منها ويمكن اتييب فل مارك بالفوكابلري و القوآعد .. وهم كتآب الانجليزي حق التمهيدي تقدر تدرس منه
لان مايطلع منهم الامتحان … اذا احد تعرفونه بالجآمعه تقدرون تقولون له يشتري لكم كتآب التمهيدي سواء حق الانجليزي او الكيمياء : )

وانا عن نفسي بقولكم على شنو نآويه : بالنسبه حق الرياضيات رآح أدخل دوره الجآمعه ان شاءالله بحآول افهم واشد حيلي فيها وبنفس الوقت اذا ماعرفت اقدر اروح اسآل قسم الرياضيات بالمدرسه عرفتوا ؟

بالنسبه حق الكيمياء :- رآح ادرس من دفآتر المدرسين اللي عندي 10 و 11 .. مابركز فيه واايد والحمدلله انا مو ضعيفه بالكيمياء وآيد .. واذا بآول امتحانين مانجحت لوول بدش الدوره او اييب مدرس -.-

والانجليزي :- قلت حق بنت عمي اتييبلي كتآب التمهيدي الانجليزي مال الجآمعه وبدرس منه ان شاءالله
وبرآجع القوآعد البسيطه اللي مآخذتها من قبل … وفي ترآ كتب بمكتبه جرير Vocabulary in Use هذا في منه اكثر من جزء اول كتآب حق المبتدئين في كلمات انجليزي وخآص حق الكلمآت … وتقدرون تحملونه من النت
والكتآب الثآني grammar in use وهالكتآب هم فيه منه اجزآء و يعلمكم القوآعد بالمحآدثه وجذي .. وهم تقدرون تحملونه بالنت : )

حبايبي حبيت افيدكم والله العالم اني حطيت كل شي عرفته عن القدرآت وحطيت لكم شنو خطتي حق ال3 محآولات اللي جدآمي .. واللي عنده شي لايبخل -.- .. لاتحتفظ بالمعلومه حق نفسك تقدر تحطها بهالموضوع يمكن تحصل لك دعوه بظهر الغيب والدعوه بظهر الغيب حلوه -.-

وامتحان القدرات ترا مجرد امتحان لاتخآفون ولا شي بس شدوا حيلكم ..
والله يوفقكم كلكم و يوفقني معآكم يآرب و ان شاءالله كل وآحد فيكم يدخل الكليه اللي يبيها و الهندسه تكون من نصيبي .. لحد يطنش ومايرد ترآ كلمه لو جبر خآطر -.-

( يآرب تجعل الهندسه من نصيبها )

سبحان الله و بحمده