انا دشيت الجامعة وكنت حدي مستانسة وطبعا الانجليزي عندي مو شي بس قلت دام يعطونا تمهيدي فراح اتعلم
ولما داومت انصدمت ان بالكلاس قاعدة مثل الاطرش بالزفة موفاهمة ولاشي وفيني بجية ولي اليوم مو قادرة اتاقلم
كل البنات اللي معاي مستواهم زين بالانجليزي انا الوحيدة اللي قاعدة ومومستفيدة ولاشي وحاطة ايدي على قلبي لا المس تسالني وانا ما اعرف اقول جملة على بعضها بالانجليزي واصلن موقاعدة افهمها
امبية شسوي قولولي ؟؟ صارلي غايبة 4 ايام
رحت كلمت الادارة ما سولي شي وكلمت الدكتورة هم ماكو فايدة
اكمل والا شسوي انا ودي ادرس وودي اتعلم بس مو قادرة موفاهمة ولاشي والمس تبينا ما نتكلم بالكلاس الا انقلش وانا ما اعرف اتكلم
في احد نفس حالتي والا بس انا واقدر اكمل والا لا اخاف اصقط بالتمهيدي وتضيع هالسنة
انا عمري 21 وتوني اولى جامعة
شسوي؟؟