السلام عليكم ورحمة الله وبركاته
يعطيكم العافيه
الله يصبرني 
المهم انا تخرجت من الثنويه سنة 2024
بنسبه كلش مو شي 59%
دشيت كلية الدراسات التجاريه، وتخرجت هالسنه كورس اول شهر 1 بمعدل 2.24 الحمدلله
توظفت ونويت اكمل دراستي .. بس المشكله D:
انه ماكو جامعه خاصه تقبل الموظفين الا الجامعه المفتوحه
حلو، راح اسجل فيها، بس شنو المشكله اللي واجهتني؟
انه النسبه الدنيا للقبول 60٪ ومايقبلون بالغصب الا الي نسبهم 73٪
والتقديم لها يكون عن طريق شهادة الثنويه 
ومايعادلون لي من شهادة الدبلوم الا مادتين تقريبا
صج هالحجي؟
شباب انا طموحي اكبر من جذي والله! ما ابي اقعد عالدبلوم وانا توني عمري 22 سنة
الجامعات الخاصه الباجي مثل قست والامريكيه يقبلون دبلومي .. بس لازم 3 بوينتس عشان اخذ البعثه
واذا اقل على حسابي .. حسبت الكورس الواحد ب3 مواد .. 2200 د.ك! والشروط انه مايكون موظف للاسف
يعني صعبه علي وكل شي تسكر بويهي .. 
فانا الحين مفكر اني ارد اعيد رابعه ثنوي، مثل ما سمعت انهم يقبلون شهادات الثنويه من سنة 2024 لي فوق وبس تعيد رابعه ثانوي واللي اقل مايعيدها، وشهادتي الدبلوم بتكون موجوده عندي مثل ما اهيه، واذا رفعت نسبتي بالمسائي ثنوي راح تنلغي الاولى .. بس اذا كانت النسبه اقل ماتنلغي الاولى بمعني آخر ياخذون النسبه العاليه كشهاده ثنويه لي
وطبعا اعيد رابعه ثنوي وانا موظف بشهادتي الدبلوم .. والدراسه بتكون كورسين سهالات ان شاءالله
سؤالي الاخير، واللي اتمنى تكون اجابته ان شاءالله اي تقدر، عشان اهني اقدر اجتاز نص طموحي
اذا نجحت وتخرجت من رابعه ثانوي "بعد ما اعيدها" بنسبه عاليه ان شاءالله .. اقدر اخذ بعثه خارجيه؟
لاتبخلون علي بمساعدتكم ،، واشكركم =)