معلومات راح تفيدكم عن التمهيدي epp

وايد شفت اسأله بخصوص التمهيدي ..(لمن ادشون الجامعه محد راح يقول تمهيدي لول..تعودوا تقولون epp)

بخلي طريقه الموضوع سؤال وجواب عشان يكون اسهل

متى وقت الدوام الصبح…ومتى وقت الدوام العصر؟

دوام الصبح يبدي 8 يخلص 12 (المده 4 ساعات) الساعه 9 ونص تغريبا في بريك مدته 45 دقيقه ..البريك وقته يختلف يزيد او ينقص على حسب مزاج الدكتوره ..مرات تعطيكم اقل مرات اكثر

دوام العصر.. الساعه 12 ونص يبدي…ويخلص الساعه 4 وعشرين دقيقه ….في بريك ساعه 2 هم مدته 45 دقيقه تغريبا
***********
مكان الكلاسات ؟
ماكو كلاسات مثل ما انتوا متخيلين. وتتنقلون من كلاس لي كلاس.اهو كلاس واحد بس ..بتمون في طول الكورس : )

الدكتوره ؟
الدكتوره بتكون وحده حق كل مواد ال epp يعني كورس كامل..راح ادرسكم بس دكتوره وحده..مو نفس طريقه المتخصصين الي يدرسون اكاديمي..(دكتور رياضيات ..دكتور انجليزي الخ) لأ انتوا بدرسكم دكتوره وحده بس حق كل شي : ) >>>يا بخته الي يطيح عند دكتوره رشا هذا امه داعيتله لوول

جم مطلوب للنجاح؟
يبون منك 70% (سهل راح اتيبونها وانتوا مغمضين ادري) ….

ال epp ينحسب بالمعدل؟
لأ لأن ال epp مافي معدل بس فيها (نجاح وسقوط) ..يعني الي اييب 99% بالتمهيدي..نفس الي اييب 70% ع الحفه لول فعشان جذي لحد يسوي نفسه شاطر ويشد حيله >>>يخربكم

سعر كتب ال epp تمهيدي..؟155 دينار شامل كل (نوت.واقلام..وكتب..ودكشنري..) الكتب تشمل الكورسين الاول والثاني (يعني لا احد يصير عبقرينو ويقطهم عقب الكورس الاول

الجدول والوقت منو يختاره؟
اهم يختارولكم الجدول والوقت والدكتور…كل واحد وحظه ..بس تقدرون تروحون تغيرون الوقت اذا ما عجبكم ..يعني اذا حاطينك الصبح…تقدر تقولهم قصت حياتك وتجذب شوي..راح يعطونك العصر (اذا تبي)

الغياب والحظور والفصل؟
عدد ايام الغياب حق التمهيدي..14 يوم بس…يعني الي وصل 8 ايام راح يوصله (انذار اول) ويدقون عليه..توصل 14 يعطونك انذار ثاني واخير…تغيب يوم زياده (يعني توصل 15 ) فصل
(طبعا في ملاحظه حدها مهمه ركزوا عليها: ان اليوم الواحد بالنسبه حق التمهيدي = 2 يومين غياب لول..يعني انتو بالتمهيدي عندكم بس كلاسين..اذا غبت اليوم كله..ينحسب عليك (غيابين يعني يومين) ..كوز الكلاس الاول ياخذون غياب..وعقب البريك هم ياخذون غياب مره ثانيه (يعني تغيب يوم ينحسب يومين لول) دير بالكم تتوهقون

طبعا الاكاديمي عدد ايام غيابهم بس (9 ) يعني انتوا دبلهم تغريبا

الدرجات موزعه كالتالي
5 كوزات طول الكورس…كل كوز عليه (خمس درجات)
5 برزنتيشن طول الكورس (كل واحد عليه خمس درجات)
خمس رايتنق اسايمنت (كل واحد عليه خمس درجات)
الاب وشغل الاب عليه (5 درجات)
شغل الكلاس المشاركه وهل طقه (عليه 5 اتوقع او عشره لول نسيت )
الغياب عليه (عشر درجات ..ترى مو شويه درجه الغياب)
الفاينل عليه (عشرين درجه)
النتيجه 100% …يعني سهالات حده..النجاح انشالله مضمون ..بس يبيله شوي مجابل..
وسوري ع القرقه..بس قلت افيدكم بهل موضوع
وبالتوفيق : )

سبحان الله و بحمده