السلام عليكم .، شلونكم شخباركم .،
اليوم ابي اتكلم عن بعض المسلسلات الي انا مآدري حق شنو تهدف ابالضبط ..؟؟
المعروف ان المسلسلات انعكاس للمجتمع والحياة العامة …. بس الي نشوفه صراحه غير جذي
اولا:
العروس ومظاهره بالمسلسلات …،
اغلب المسلسلات تظهر العرس الكويتي مختلط بين النساء والرجال .. وهذا غلط .. لان المجتمع الكويتي ماعمره سمعنا بعروس مختلطه …
واصبح اكثر اليهال يسألون ليش عروسنا مو جذي وصج اكو عروس مختلطه ؟؟
وصار يسود في بعض دول الخليج فكرة ان مجتمع الكويتي يخلط الرجال بالنساء بعرووسهم وهذا خطأ وهذا يعد تشويه للمجتمع .،
ثانيا:
مظاهر نوم الفنانين رجل ومرأة بنفس الفراش !!
قمنا نشوف بالاونة الاخيرة مشاهد رجل ومرأة نايمين بنفس الفراش وهذا خطآ وعيب على المنتج والمخرج يظهرون لقطة مثل هاذي … بالبداية كنا نعيب على الدول الاجنبية والعربية مثل هذه المشاهد وولااسف انتقل الينا هذا العدوى ..
ثالثا:
قعدة الشباب مع البنات والمغازل ..
يعني صارو المسلسلات ماتمشي الا يخلون صبي يحاجي بنات والبنات صايعين ويكلمون شباب …
والبنات بسهولة يبيعون اعراضهم … وين قاعدين هذا غلط … المنتجين صاروا يبون الربح بآي طريقة ..
وقاموا يشوهون سمعة الكويت على حساب الربح ..!!
{ هاذي الكويت صل على النبي }
ترى الي تشوفونه بالتي في نسبة قليلة حيل من المجتمع …!!
المايك لكم …