لغه الاشارة ، مع او ضد ؟

اللي يعرفني يدري تخصصي اضطرابات تواصل .. من الحالات اللي ممكن نتعامل معاهم الصم ..

من قبل ما اتخصص كنت ناويه اتعلم لغه الاشارة بس ما حصلتلي فرصه ..

دشيت التخصص و حالياً ماخذه لغه الاشاره و اليوم اليوم تعلمنا بالكلاس اشارات معدوده مثل أم ، اب ، اخ ، اخت ، جد ، جده ، عم ، عمه ، خال ، خاله ، ابن ، ابنه ، ولد ، امرأة ، رجل ,,

الشي اليديد اللي عرفته هالكورس عن لغه الاشاره ، ان ماكو لغه اشاره عالميه ..

يعني الأمريكيه غير ، العربيه غير ، الفرنسيه غير ، التركيه غير ، الكويتيه غير

حتى بالاشاره الأمريكيه تختلف من الجنوب للشمال ..

اكثر لغات الاشاره تطوراً و اكتمالاً اهي الامريكيه .. لدرجه قاموا يستخدمونها مع اليهال اللي توهم ما نطقوا كلمتهم الاولى ..

::

الحين سؤالي ..

باعتقادكم الشخصي .. لغه الاشاره يخلونها بالمنهج ؟ يعني يعلمونها الطلبه حالها حال اللغه الانجليزيه او الفرنسيه مثلاً ؟

اذا اي ليش ؟ اذا لأ ليش ؟

سبحان الله و بحمده