لحظه …!!!

بسم الله الرحمن الرحيم

هذي افضل قصيدهـ عندي :

للشاعر عبدالكريم الجباري :

لحظه بوادعك قبل إنـك توادعنـي

ماني من اللي تروح ويمشـي خلافك

لـي عـزة ياوليـد النـاس تمنعنـي

لوقلت مابيك تمزح خاطري عافك

قد قلتها لك قبـل ماكنـت تسمعنـي

واليوم فعلك هو اللي حطم أهدافـك

يابن الأوادم نصيحه واخذهـا طعنـي

ماكل شخص يذل النفس لا شافـك

صحيح زينك بعض أحيان شجعنـي

لكن زود الكـرم زودت بـسرافـك ..

ماهوب أنـا اللـي تنزلنـي وترفعنـي..

لو درت في نيتك كسـرت مجدافـك ..

تبي الصراحـه تصـدد لا تطالعنـي..

أخاف من دمعتك ولا أنـت ماخافـك..

ماغير واحـد ولا مخلـوق ولعنـي ..

الحـب يجـرف ولا تختـار جرافـك ..

لو قلت لحد تحب وقال لـك يعنـي..

خله وبعد مـادام الوقـت ماطافـك ..

أصـارع النفـس والدنيـا تصارعنـي..

والفرق واضـح بمغرافـي ومغرافـك ..

ياخي ترى القلـب عيـا لا يطاوعنـي..

يابن الأوادم توكـل خاطـري عافـك..

شكرا … للمتابعهــ

سبحان الله و بحمده