بعد معاناه مريره ….
ليسني عاد لي من جديد..!!
فيه 28/7/2019 اتوقع…
خالفني شرطي 
مخالفتان الا وهيا تظليل الزجاج بالكامل وتجاوز الاشاره الحمراء عمداً 
…
وبذلك سحب ليسني العزيز…
وبعدها ب تاريخ 16/8/2019 هم اتوقع ..
ضاع بوكي …
واهلي مسافرين يعني لااثبات ولاشئ اهئ اهئ
المشكله البوك ضاع يعني ماقدر اروح ادفع المخالفات واخذ الليسن
ف حاولت البحث عنه في جميع ارجاء بيتنا العزيز ولم اجده …
فعندها عاد افراد اسرتي …وعلموا بالموضوع وبحثوا عنه
ف يالها من طامه كبرى البوك موجود فوق الغنفه …بالتحديد ب صاله الاستقبال…!!
كيف وصل الي هناك حتي هذه اللحظه لاادري
…
المهم …
وحينما استعدت بوكي وعادت لي الروح …
قررت ان استرجع ليسني بدون واسطات …
بس حبيت اعرف الوضع بدون واسطه…
وضع مخزي .. روح من غرفه لي غرفه…
وروح الفحص الفني خل يتأكدون انك شايل التغيم ..الخ ((ماسوت علينا هالتغيم))
المهم …وبعد ماخلصت وكل شئ تمام … روح لمكتب الرائد الكندري
عطيته الورقه
قالي ليش متجاوز الاشاره الحمراء ….
قلتله ماني مجذب عليك كنت مستعيل
قال: صرييح …هالمره بطوفك بس المره اليايه بحولك علي المحكمه …
قلت ""في بالي خير ان شاء الله لو اييك باجر مراح تذكرني ""
…
قلتله حاضر ولا يهمك..
قالي روح عند البنات وادفع المخالفه…
رحت عند البنات ..
اربع بنات وشباك واحد مبطل…
قدامي هندي لما خلص بعطيها الورقه قالت امبييييه ماتخلصون 
….
قلتله خلاص ايي باجر …
قالت يكون احسن …
قلت بس انا ابيها اليوم خخخخخخ
>>حدي نذل
المهم حان وقت الدفع
اخليكم وث الصور
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
وانا يوم دفعت طالع زهقان متحسف علي ال130 …
شفت ورقه مخالفات واحد
موزين تشوفونها انا مؤدب بالنسبه له …
استانست قلت اشوه من شاف مصايب الناس تهون عليك بلوتك ..
=================
المهم الأن ليسني موجود رديت كويتي 
هيااااااااا 
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
نستقبل التهاني والتبرعات