السلام عليكم
يا جماعه انا عندي مشكله وأبي مساعدتكم … اليوم أول يوم دوام طبعا … وأمس أنا كنت حددي متحمس حق المدرسه … بس اليوم أول ما قعدت من النوم … كنت متضااايق ومالي خلق عمري … والله لو حطيتوا مسدس جدامي جان ورب الكعبه إنتحرت … مافيني لا حراره ولا مرض الحمدالله … ياتلي أختي وقالتلي : محمد تبيني أوصلك ولا أنت بتروح مشي ؟؟؟ قلتلها : روحي بستين داهيا عساج تموتين … وكنت حددي معصب .. رحت مشي وكل سياره صافطه أروح أرفسها بكل قوتي … مريت يم لمبرجيني عطيته أقوا رفسه من الأعصاب الي فيني … وصلت المدرسه … ماسلمت على ولا أحد من ربعي من أعصابي … طق جرس الطابور … كل الطلبه نزلوا إلا أنا حطيت راسي على الطاوله ونمت … دخل إستاذ الحصه الأولى (( فيزيا )) وقالي : محمد ليه ما نزلتش … قلتله : كيفي عندك مانع ؟؟؟؟ … بدينا الحصه ودخلنا على أول درس وحسيت إنه صعب شوي ويابلي ((صرع)) … قعدت أرجف بمكاني (( صرع )) وويهي صار أحمر ,, ورفيجي يحاول يمسكني بس أنا ما سمعته من الصرع الي يالي .. خلصت الحصه الأولى وربعي قالوا : محمد شفيك بالحصه ؟؟؟؟ قلت : كيفي طز فيكم كل واحد يذلف مكانه .. بدت الحصه الثانيه (( كيميا )) والأستاذ ورانا الكتاب تقريبا 300 صفحه وأنا طقيت الطاوله أكثر من خمس مرات من الأعصاب … كل الصف طالعني مستغرب قالوا : شفيك حموود ؟؟؟ … وانا حاط ايدي على راسي وأطالع الأرض … صارت الحصه الثالثه (( عربي )) قررت أني أشقح … الأستاذ قالي : راح أسجلك غياب … قلتله : سجل أنا مابي أداوم … طلعت من المدرسه ورحت قعدت ورا الجمعيه ليما الهده ورديت البيت ما تغديت حطيت راسي ونمت (( زين ما أحترق السرير من الأعصاب )) قعدت من النوم توني وخفت أقول حق أمي وأبوي السالفه علشان لا يزفوني (( علشان إني شاقح )) قلت أقولكم أنتوا أحسن …….. يا جماعه أي واحد حاشه نفس حالتي تكفووون قولولي شنو سببها وشنو علاجها … تكفوووون والله هذا الموضوع مو للغشمره من جد تكفووون ردوا علي الحين أبي العلاج