تخطى إلى المحتوى

ضروري تردون الأخت هروبي والأخ احمد والاخوان الباجي

  • بواسطة

اول شي السلام عليكم , بدش بالموضوع على طول

انا خريج هالسنه ثانوي , وطلعت روحي وانا ادور واسأل بكل مكان ..

اول شي بقولكم السالفه من طق طق ليه لسلام عليكم ..

انا بخاطري هندسة ميكانيكيه في الكويت , طبعا جامعة الكويت انسو الزعل ادشها بدون ذكر اسباب طبعا الكل عارف , انزين الحين وين في ميكانيكيه غير جامعة الكويت ؟ ماكو الى الأستراليه .. طبعا المشاكل بالأستراليه ما تخلص ومادري ادش ولا لا بس ماكو غيرها , مابي اروح أي تخصص ثاني لو في هالتخصص بمكان ثاني جان رحت بس للأسف ماكو !!!!

شهادة لغة ويبنا والمعدل انشالله في بدايه الثمانينات , بتقولون ليش ماتسافر ؟ للأسف ظروف !!

المهم تكفه يا جماعه قولولي خلوني ارتاح لأنه الصراحه قاعد احس انه مالي مكان لا بره ولا بالكويت , حدي قاعد احاتي ومابي ادش أي مكان انا مو خاطري فيه .. مادري شسوي !!!!

فرجاءا اخواني الي بالكليه , ابي اعرف , البكاليورس بالأستراليه تخصص مكانيكا ماشي موضوعه ولا لا ؟ , انا دريس ومو مشكله ادرس بروحي بالبيت بدون استاذ مادري دكتور " اذا كان في " , يمشي موضوعي ولا لا ؟

ابي اعرف في احد تخرج من قبل ؟ امورهم ماشيه ؟ وكل شي تمام وعاهم ولا لا ؟

تكفوون ردو علي ما بقى شي واخلص والتسجيل يفتح ..

ومشكورين

سبحان الله و بحمده

الوسوم:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.