صفيحة التخرج / Major Sheet ، كيف تقرأها ؟، تستخدمها؟ و ما هي فائدتها ؟

السلام عليكم ،

في كذا طالب مستجد و يمكن مقيد مر عليه هالاسم و المصطلح( صفيحه التخرج/ Major sheet ) لكن ما يعرف شلون يستخدم و ينظم هالمصدر لصالحه

اولاً ، نشرح المسمى :

صفيحه التخرج : الورقه الخاصه فيك للتخرج ،
Major sheet: ورقه التخصص ..

باختصار اهيا ورقه فيها فئات مقسمه من المواد و جم ماده تحتاج تسجلها بتخصصك عشان تتخرج ،

ثانياً : شكلها ؟

ثالثاً : الشرررررررررح ( اجزائها ، المسمسيات للي فيها ، فايدتها ، شلون تستخدمها )

الحين جم نقطه احب اذكرها ،

المجير شيت بمثابه الدليل لكم بحياتكم الاكاديميه
لا تستغنون عنه و لا تهدونه و دايماً حطوه يمكم ،

اذا ما لقيت الميجر شيت تبع دفعتك ، فج دليل الطالب للي تستلمه اول ما تدش الجامعه راح تلقاه هناك
خدعه تسهل حياتكم

ارقام المواد ، تقلون المواد ارقامها 100 و شوي .. و تلقون مواد 200 و 300 و 400 ..
هالارقام مو محطوطه عبط ، هالارقام تدل على مستوى الماده

يعني 100 .. سهله و تقدر تاخذها اول سنه
200 اصعب شوي
300 نقدر نقول صعبه
400 للي تاخذهم بالسنه الرابعه او سنوات التخرج

حاولوا كثر ما تقدرون تاخذون الـ 100 اذا بتحولون عشان المعدل ما ينزل

سوولكم خطه قسموا فيها المواد و كل كورس جم بتاخذون ..
و حطولكم خطه بديله عشان ما تتوهقون

عن نفسي بتخصص ما القى فيه مواد وايد نازله بنفس الكورس عشان جذي اضطريت اخذ الاخيار الحر بالسنه الثالثه لكن انتوا خلوهم للنهايه و اخذوا مواد سهللللللللللله عشان تضمونون الـ A

شغله ثانيه

عندكم ماده يبتوا فيها D ؟ F ؟ او حتى C- عيدوها الكورس اللي عقب على طول .. كل ما اخذتوا مواد اكثر راح تأثير الاعاده الكبير < هذي غلطتي حالياً =)..

اذا قسمكم و تخصصكم للي بتدوشنه يحتاج مسبقات وايد ، فجوا دليل الطالب يحطون لكم مخطط
فيه كل ماده و شنو مسبقها عشان ما تضيعون ..

اي استفسار او سؤال عن هالموضوع انا موجوده = )
مقيدينا ، اذا نسيت شغله حابين تذكرونها بليز لا تخلون و ذكروها =) ..

سبحان الله و بحمده