شرح بالصور..الغياب والحظور..الدرجات..(المودل كله)

سلام عليكم : )

مدام تو الناس ع الدوام وباجي شهرين..قلت خل انزلكم هل موضوع..يمكن تستفيدون منه ويعجبكم..
وايد طلبه ما يعرفون نظام سستم الجامعه..وايد توهقوا بالفتره الاولى >>انت اولهم

فعشان جذي مابي احد فيكم يتوهق مثل ما توهقت انا..لأن يبيله شرح بسيط…اهو سهل بس يبيله شوي واحد يتعود
خاصه ان كل شي عندنا بالجامعه (بالسستم) حتى تبي تستأذن من دكتور وماتبي اداوم باجر ..ادزله ايميل تستأذن
كل شي بالايميل (غياب حظور..درجات..أنشطه..اخبار الخ
المهم

نبدي احم >>ويهك p;
[عزيزي الزائر يتوجب عليك التسجيل للمشاهدة الرابطللتسجيل اضغط هنا]

هل صوره حده واضحه اهني اول شي..اليوزر والباسورد..طبعا اليوزر اهو (رقم ال ID مالك)..والباسورد اول يوم بيفتحولكم السستم عشان تختارون باسورد يتم معاكم طول الكورس
*******
[عزيزي الزائر يتوجب عليك التسجيل للمشاهدة الرابطللتسجيل اضغط هنا]

اهني دشينه على الاكاونت الخاص بكل طالب..السهم رقم واحد هذا (كورسك الي انت الحين في)..مثلا انا كان EPP 2024
والسهم رقم اثنين هذول كلهم يعتبرون اعلانات مهمه…اذا في خبر مهم بالجامعه شي مهم ينزل بالصفحه الرئيسه مثل اعلان…
******
[عزيزي الزائر يتوجب عليك التسجيل للمشاهدة الرابطللتسجيل اضغط هنا]

بهل صوره دشينه على اهم صفحه..السهم رقم واحد هذا (الغياب والحظور)..كل يوم تغيبه يتسجل نفس الوقت..كوز الدكتوره تاخذ الغياب ع الكمبيوتر…السهم رقم اثنين اهني الدرجات..كل ما نخلص كوزات او اي امتحان برزنتيشن او غيره..ننطر يومين او نفس اليوم اندش نحصل الدكتوره حطت الدرجات..
السهم رقم ثلاثه هذا..(class work) شغلنا بالكلاس…مرات ما يمدينه نكتب او ما نلحق..نرد البيت نلاقي الدكتوره رافعته لنا عشان ننقل على راحتنا…ومرات اذا الدكتور طالبه منا شي تكتبه اهني واحنا نسوي حقها..(حده مهم)>>حسيت روحي قرقه شوي لوول تحملو
********
اخر شي..الغياب احم..الغياب عليه (عشر درجات) يعني النجاح بال epp من 70 الغياب عليه عشره ..ترى حده وايد
يعني لازم تهتمون بالغياب >>>علم نفسك يالحبيب

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

السهم رقم واحد هذا درجات الغياب..(اكترونيه) كل ما غبت كل ما نزلت..كل ما داومت كل ما ارتفعت..يعني مثلا انا نسبتي 100% وغبت 5 ايام تصير مثلا..60% ..وعقبها داومت يومين..ترتفع تصير 80% (لول جنه بورصه صاعده نازله)

وهذي الي مكتوب (sorry) لوول ..هذي عقب ما يالي انذار اخير وبغوا ويفصلوني عطوني فرصه اخيره لوووول..(وهم غبت كح)

على العموم انشالله استفدتو شوي من هل شرح…ادري اسلوبي مو شي بالشرح..بس بخاطري افيدكم كوز مابي احد يتوهق مثل ما توهقت…
و سوري على القرقه : )

سبحان الله و بحمده