السلام عليكم
أكثر سؤال ينرفزني لما يسألوني انتي شيعيه و لا سنيه ؟
انا بفهم شي واحد بس
احنا مو مسلمين ؟
مو ربنا واحد و رسولنا واحد و امامنا واحد ؟
ليش التفرقه ؟
حتى يهالو الي بالأبتدائي .. يتكلمون عن المذاهب ..
انا من وجهة نظري غلط هالشي 
نعودهم ع الحجي و هالسوالف
بنت اختي بأولى ابتدائي .. يت تسألني خالتي يعني شنو سنه و شيعه ؟
جان اقولها : مافي شي اسمه سنه و شيعه كلنا مسلمين ماعليج من هالحجي .. منو سألج ؟
تقول الي قاعده يمي بالصف تسألني 
انصدمت صراحه توهم يهّال يتكلمون عن هالسوالف عيل لا كبرو شبسولفون عنه عيل ؟
يعني اعطيكم مثال : بنت خالي شيعيه !
و انا معاها حييييييل حيييييل بس ولاا مرررره يبنا هالطاري كلش
يعني اهلنا ما ربونا على هالشي ..
انتو شرايكم ؟
بالختام احب اقول : اللهم احفظ الكويت و شعبها بسنتها و شيعتها من كل مكروه و انصر الأسلام و المسلمين اللهم آمين 