السلام عليكم
كيف الحال!!
بعد مشاورات حبيت اسوي هالموضوع للافاده حق طلبة 12 علمي اللي ما باقي لهم شي و يداومون ان شاء الله
ابي اكلمك عن هالمرحله عشان تحطون لكل شي اعتبار و ما تتهاونون…
امممم من وين ابتدي!
اول شي اغلبكم يدري ان 11 غير و 12 غير من ناحية المناهج
12 اسهل طبعا
في اشياء يديده راح تدرسونها و انتو عبالكم افتكيتو منها =)
اول شي ببتدي بالاشياء اليديده :
اللي تفاجأنا فيه منهج الدستور!!
احنا كنا اول دفعه تدرس الكتاب اليديد و حيل دسم الصراحه..
عادي درس مكون من 11 صفحه كلها حفظ =)
الدستور يبيله تحضير اكيد
بس ما يبيله اول بأول
انا من ناحيتي الحمد لله بسرعه احفظ عادي ادرسه حق الفاينال قبلها بيوم بس اتعب
خصصوله يومين =)
نيّي حق الشي الثاني اللي جد لوع جبود الكل بالعربي
الا و هو البلاغه = ملاقه بــ 12 جد و الله
احذفو تاريخ الادب و يابولنا البلاغه
تدرون عن شنو!!
انسو التشبيهات و مادري شنو
نفس تاريخ الادب بالضبط و العن استغفر الله!!
و هذا اللي لعوزنا بالفاينال اللي كان جد جد صعب و كله حفظ
يتكلم عن المرحيات و القصص و الشعر و مادري شنو ..!
المهم اكلمكم عن المواد المهمه :
الرياضيات:
الكورس الاول جدا جدا حلو و ممتع
عن النهايات على ما اتذكر!!
احلى شي اني الحين بالجامعه اول كورس راح ادرس نفس هالمنهج لول 
بس هالمنهج يبيله مجابل و على قولت ابلتنا كل ما نرد البيت نحل من مسائل التقويم لانهم متروسين افكار
الكورس الثاني اممم مابي احبطكم بس اغلب البنات ما حبوه
اول شي عكس النهايات نسيت اسمه من كثر ما اكره!
و بعدين في فصل عجييب مال الحجووم خرااابيييط و بعدين الوع فصل هندسة الفضاء طبعا هذا فصل "عقيدي" و تجربتي معاه جدا مو حلوه لان الفاينال كل الامتحان منه و كله براهين حفظ و رسم معوق!!
brb مع المواد الثانيه =)