السلام عليكم
هذا حوار مع طالب بالاسترالية للاستفادة ، و عضو معانا 
يعطيك العافية ليون ، ماقصرت بالاجابات 
———-
١- عرفنا على نفسك؟ اسمك و تخصصك ؟ و السمستر؟ و هواياتك اذا في؟
الاسم عبدالمحسن تخصص هندسه مدنيه وانشائيه ثاني سمستر انضميت للكليه صيف 2024 وهوياتي السباحه وكنت بنادي العربي لولز 
٢- ليش اخترت الكلية الاسترالية؟
بالبدايه كنت متردد وايد لانها تقدم دبلوم اول شي ولكن بعد التفكير اخترتها لان معترف فيها عالميا ومكانها حلو واقدر اكمل فيها درجة البكلريوس
٣- فكرت تغيرها؟
لا لانها الاختيار الصح باذن الله واتمنى يكون في صيفي عشان نخلص بسرعه ونتخرج 
٤- وين ناوي تكمل البكالريوس؟
ان شاء الله اذا بالامكان اكمل بـ جامعه بـ بريطانيا او استراليا واذا لا نكمل بالكليه الاستراليه ولو اشتغل وادرس يكون افضل 
٥- استفدت من البرنامج التمهيدي؟
استفدت من engineering english الي اهو اخر لفل لانه حيل قوي وفيه اشياء يديده وايد وكلمات وايد وحيل كان مفيد
٦- منو افضل مدرسين البرنامج التمهيدي؟
افضل المدرسين على حسب علمي مس مرينا لفل 1 مس ناتاشا لفل 2 ومستر مايكل لفل 3 وترا المساعدين مثل مستر فواز ومس شهد ومس فجر حيل زينين ويفهمون بشكل سهل واهما الي يعطون توتوريالز فـ الي يحس ماستوعب من الكلاس يسجل عندهم
٧- برايك قولنا اكبر خطر يهدد الطالب المستجد او طالب التمهيدي بشكل عام؟
اكبر خطر ان المدرس نفسه مايعرف يدرس !! اخر لفل درسني Mr. Werner وكان واضح عليه ان جنه اول مرا يدرس هاللفل وكل شوي يبطل كتابه عشان يتأكد من معلوماته وماكان يغطي الي عليه بشكل كامل ومرات يعطينا معلومات الكويزات بشكل متأخر وماكنا نلحق على نفسنا واكثر من مرا ينسى يعطينا شغلات ويعتذر عن هالشي خصوصا لما نسلم البرزنتيشن يكون فيه اشياء ناقصه لان اهوا اساسا مانبهنا عنها وكانو كل الطلبه يشتكون منه ويت النتيجه ان اغلبيتنا سقطو وعادو الكورس ولكن حمدلله انا عديت
٨- ليش وايد طلبة يسقطون بالتمهيدي؟
اعتقد وايد طلبه يسقطون اما ان يكون المدرس مايعرف يدرس ويدرس بشكل غلط وهذا نسبته قليله بس السبب الرئيسي للسقطون ان الطالب نفسه مايدرس وماخذ السالفه على لعب ومايداومله باليوم الا كلاس ولا كلاسين وبالنهايه يروح يتحلطم انا ليش ساقط 
٩- اوصف لنا مستوى صعوبة لفل ٢؟ و شنو اكثر شي استفدته منه؟
مستواه عادي والنجاح فيه سهل وتستفيد منه انقليزي بشكل عام ماغير انك تستفيد من القرامرز
١٠- اوصف لنا مستوى صعوبته لفل ٣؟ و شنو استفدت منه؟
مستواه صعب ويبيله مجابل من قلب فيه وايد اشياء وايد فوكابلري حق التخصص طبعا انا اتكلم عن Engineering English وغير البرزنتيشنات والشغل الي لازم تسويه بالبيت وراح يكون في قصر بالوقت فـ لازم تخلص الشغل أول بأول وهذا كله راح يفيد الطالب والنجاح فيه راح يكون صعب ويبيله مجهود هذي وجهة نظري وحسب الي مريت فيه
١١- ليش اخترت تخصص الهندسة المدنية؟
اخترت التخصص لانه يتوظف بعدة اماكن منها شركات النفط او البلديه ودراسته سهله بشكل عام
١٢- شرايك بالمواد اللي خذيتها بسمستر ١ – تخصص ؟ مستواها مناسب و لا حيل سهلة و لا حيل صعبة؟
المواد سهله بشكل عام واحب اقول ان سر النجاح بالكليه الاستراليه اهوا الدوام
داوم كل الكلاسات راح تفهم الماده وراح تعرف تحل بالامتحان والمدرسين ماراح يقصرون معاك وراح تاخذ درجات عاليه يمكن ماتتوقعها
١٣- هل كنت تواجه صعوبة بمادة او جزئية معينة؟
حمدلله ماواجهت صعوبه بأي ماده بس مرات تشوف مدرس الماده يكون شرحه بسيط جنك ماخذيت شي هني لازم تجابل شوي الماده وتفهمها بطريقتك واذا واجهت صعوبه تسئل المدرس وهذا شي عادي
١٤- منو المدرس/ـة اللي مروا عليك و ماحبيتهم؟؟
ليلحين ماكو مدرس ماحبيته ,, الي مرو علي زينين ,, يمكن بس مريم القطان تدرس مادة لاب ريبورت اعتقد الاغلبيه مايحبها من اول كلاس لانها من اول كلاس تدش وتبين انها شديده وتقول اي شي غلط تسويه اعطيك صفر حتى اذكر مره قالت انا نذله ومادري شنو لولز بس ترا اهيا زينه وتساعد واذا سئلتها اي سؤال راح تجاوبك بس المهم ان الطالب عندها يشد حيله ويسوي الي عليه وماتحب الغش والتكاسل وهالسوالف وترا كلامي عنها مو معناته اني ماحبها 
١٥- منو المدرس/ـة اللي حبيتهم و كان ودك تاخذ عندهم مرة ثانية؟
اكييييييد مس ناديا ,,, هالمدرسه زقرتيه وحبوبه وتضحك والاوتو كاد عندها يصير piece of cake
والي يسئلها سؤال تجاوبه بأبتسامه وكلاسها حلوو انا عن نفسي لما يكون عندي اوتو كاد استانس واكون من اول ناس داشين الاب 
,,, تقول انه هالكورس اخر كورس لها بالكليه وبتمشي 
,,, اتمنى يكون العكس
١٦ – شنو رايك بالاحداث الاخيرة اللي صارت و شنو كان موقفك ؟ و اذا عندك توقعات قولها لنا ؟
اذا كان قصدج بالاحداث الاخيره الاعتصام ,,, فـ برأأيي انه كانت خطوه صح وانا من مأيدي الاعتصام بعد تجاهل الاداره لمشاكل الطلبه بشكل مستمر ,, بس ماوقفت معاهم لان كان عندي كلاس لولز ومبين انه نجح بشكل واضح الحين بيصير عندنا مجلس الطلبه وبيبطلون صيفي ( اتمنى ما يقولون عدد المسجلين حق الصيفي قليل كـ عذر عشان ما يبطلون صيفي ) بس ليش الاداره حدو الطلبه للاعتصام ؟ يعني لو سامعين لهم وحالين مشاكلهم من الاول مو احسن ؟ بدال لاتنفضح الاداره بالجرايد لولز انا عن نفسي ماكنت احب اشوف كلام عن كليتنا وان فيها مشاكل والطلبه مو مرتاحين فيها لان بالاخير هذي كليتنا والمكان الي راح نتخرج منه بأذن الله مو حلوه نشوف كلام مو زين عنها بالجرايد والناس بتقول الكليه الاستراليه صارت مو شي وسمعتها تطيح واعتقد انكم موافقين معاي 
بس ان شاء الله الاداره تكمل صحوتها
١٧- كلمة اخيرة تحب تقولها ؟
كلمه اخيره اقولها اتمنى التوفيق للكل وان شاء الله كلنا نتخرج بأعلى القريدات وناخذ اعلى المناصب 
وان شاء الله مستوى الكليه الاستراليه يكون اعلى واعلى ويالربع داومو الكلاسات ولاتغيبون وترا النجاح سهل ,, ويعطيج العافيه مشرفه HroBi=’9e7kyTi على المقابله حسستيني اني وزير 
وثانكيو على مجهودج وو Good luck for all of us
———————————————————–
مشكوور ليون على اجاباتك الوافية …
و انتوا شنو رايكم باللي قاله زميلنا ؟؟