اول شئ ماقول الا الله يشفيهم ويردهم لعقلهم ياارب
وطبعا الكل يدري الادمااان انتشر وخاصة الخمر
لانه اهني ماكو عقوبات بالنسبة للسكران اما التاجر ففرق
وشئ ثاني حسبي الله عليهم الاجانب تسحر الرجال عاد الي مني مخبل لمن يحبها تعلمه على الخراب وخمر ويااااليت اتوقف على خمر مرات اتصير العن والعياذ بالله مخدرات وابر
طبعااا كنت طالع من الجابريه
وماشي على الحارة اليسار على سرعه 100 ماكو زحمه ولاشئ واشووف سيارة صافطه على الامان واركز انه واحد فيها مادري شلوون راسه وعلى طوول الف يمين واخذ بالسايد نفسه على حارة الامان عكس السير
واصفط يمه وحمدلله يارب الله لاتبلينا !!؟
واهني انا قاصد احط الفلاش عليه عشااان مايبين لانه اهني بناقش القضيه بشكل عااام ومو اهو بشكل خاااص
والسموحه انا كل ماحط صورة بالموضوع اتصير شكبرها
هذا رابط
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
يووم شفته بالحاله هذي دقيت على العمليات وبلغتهم وقلت رجال فاقد ودزلي اسعاف ويحولني على الاسعاف
واعطيه العنوان تحت طريج الملك فيصل
المهم 10دقايق وصلت الاسعاف قبل لاتوصل الاسعاف بدقايق كان مغمى عليه وفاق وقعدت اكلمه بالموت قام واقوله نزل الدريشه يطالع القير مال السياره
ويطق على القير ويأشر لي لحظه 
ويوم وصلت الاسعاف كان وياهم بخاخ مادري ليش وقلت توه قام ولااهوا فاقد واهو يطالعنا يقول شتقولون وشتساسرون
فديت السكران المركز وايقوول له راعي الاسعاف تقدر تروح بيتكم؟ ايقوول اي اقدر هذا وياي عني انا
قلت مالي شغل فيك 
واكوو دعمه قاله راعي الاسعاف توك داعمها هالدعمه هذي داعم احد انت ويحلف السكران ويقوول والله العظيم قديمه الدعمه من زماان 
المهم قاله وين بيتكم قال ضاحية عبدالله مبارك اهني باللحظه هذي دق على شرطي بالدوريات وقال انت مبلغ وجذيه ؟؟
قلت اييي قال وينك واعطيه المكان وانه بياخذ الغزالي باتجاه عبدالله المبارك وانا ورااه قال اوكي ثلاث دقايق عندك
خلك ورااه
خذا السكران الغزالي صوب الميناء عاد دقيت عليه قلت راح اتجاه المينا
مامداني سكرته الا اشوف فلشره من بعيد الدوريه طفا الفلشر عشان مايشوفه السكران ويدوس زويمرنا الدوريه واكبس له واطق له اشاره
اهني صارله ساعه ونص لوول يقول له اصفط وكل اشوي السكران ايطق ابريك قوي ويحرك لانه مخه مووياه
وموراضي يوقف
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
واهني مشى يمه ويقوووله اصفط ويلف عليه ويصفطه واصفط يمه انا ماعندي شغل كالعاده
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
ويفتشوون دبته الا بلاوي خموور
سؤال نقاااش عن السكر طبعا مانكر انه اعرف اشخااص يسكرون لكن كيفهم
تدروون شنو الحل وياهم بالمخفر يقعدوونه وصج اقوولكم اياها ايقزرونها عليه وياخذون البطل منه ولمن يصحصح يقولون له توكل على الله
لانه اهني يبووون يمسكوون البنغااال او كميااات كبيره عشان للتصاريح الصحفيه بس
وهذا الي خلى الخمر ينتشر 
مراسلكم مشاري من قلب الحدث ;p