تفاصيل مواد الحادي عشر ( علمي + ادبي )

السلام عليكم ورحمة الله وبركاته
انا يديد في هذا المدونة وحبيت ان يكون هاذي اول مشاركه لي
توني ماخذ بريك من الدراسه حق امتحان الفيزيا باجر فقلت ازور هذا المدونة شوي
موضوعي باين من عنوانه انا طالب علمي وعندي رفيج ادبي قالي كل تفاصيل موادهم

المواد العلمي :-
1- فيزياء : وما ادراك ما الفيزياء فيزياء الصف الحادي عشر الكل يشتكي منه لأنه 3 مرات اصعب من مال عاشر … شنو هذا كتاب كله قوانين وماكو شرح … والي يتسائل عن شنو يتكلم الفيزيا الصف 11 ,,, كله عن الميكانيكه , معناته انه مهم حق طلبة هندسة الميكانيكه , من وجهة نظري : الفيزيا ثاني اصعب ماده بالحادي عشر

2- كيمياء : سهههلل ودمه خفيييف .. بصراحه انا ماعندي صعوبات بالكيميا . عباره عن دراسة صيغ كيميائيه و معادلات كيميائيه . معناته مهم حق الطب والصيدله , من وجهة نظري : الكيميا اسهل بوااايد من مال عاشر

3- احياء : بصراحه بصراحه … اذا تبي تنجح في هاذي الماده .. لازم يكون خيالك واااااااااااااااسع .. لازم تتخيل شلون يصير البناء الضوئي داخل النبات وشلون ينتقل الماي من الجذور لي الساق لي الأوراق . الأحياء بالنسبة لي ثالث اصعب ماده

4- جيولوجيا : الماده الي داشة عرض -_- … عباره عن دراسة الصخور والمعادن والعمليات الداخليه والخارجيه .. 90 بالميه من الكتاب حفظ . وانا دشيت علمي علشان انحاش من الحفظ ويطلعلي هذا بالويه . الجيولوجيا رابع اصعب ماده . ومهم حق الي يبون يدشون كلية العلوم .. وملاحظه : الصف الثاني عشر مو موجوده الماده

5- رياضيات : لو اسوي موضوع ثاني اشرح فيه الرياضيات هم ماراح يكفي … باختصار .. اصعععععععب ماده بالحادي عشر .. الي ضعيف برياضيات العاشر … نصيحه من اخو لي اخوه : لاتدش علمي لأن اقسم بالله راح تسقط اذا انت ضعيف … بذمتكم شنو يعني اللوغاريتيمات -_- … شوفو الباب الأول صعب والثاني نص نص والثالث يشق شق والرابع زوين … بس اذا قعدت بالحصه راح يصير ويهك جذي انا يبتلي تم التعديل من قبل الأشراف و المراقبه

المواد الأدبي

1- جغرافيا :- رفيجي يقول دسم وثقيل واصعب من مال الصف العاشر , ويقولي يشابه الجيولوجيا

2- تاريخ :- اصعب ماده بالأدبي

3- علم نفس :- سمعت انها سهله حدها وعندي ربع يابو علامه كامله بالأمتحان

4- الفرنسي :- ناس يقولون سهل وناس يقولون صعب . واهوا يعتمد على الأستاذ الي يشرحلك

أما بالنسبه للمواد المشتكره بين العلمي والأدبي

1- العربي : حدددده سهل سواء كان دروس او نحو او بلاغه حدهم سهلين . اسهل من عاشر ب5 مرات

2- الأنجليزي : انا عندي اسهل من عاشر

3- الأسلاميه : حده سهل . دروس سهله , احاديث سهله ..

4- القران الكريم : مايصير اقول صعب عن كتاب الله .. واايد سهل وآيات عطره وسهله وجميله … والتجويد اسهل من مال عاشر ب100000000000000000000000000000000000000000000000 000 مره … والله الغبي الي يقول التجويد صعب

5- الأحصاء : داشة عرض -_- … يكفي الزفت الرياضيات الي قاعدين ندرسه وهذا زادوا علينا .

6- حاسوب : سهالاااااااات ندرس عن microsoft accesses والله يوم الخميس الي طاف عندنا امتحان عملي واحنا مو دارسيله وكلنا يبنا علامه كامله .. حتى الجزء النظري سهالات

7- بدنيه : في كائن حي ما يعرف كرة قدم لوووووووووووول نفس الشي مادرسناله يبنا كامل لووول

ومع السلامه

سبحان الله و بحمده