السلام عليكم
من زمان ما دشيت هالقسم 
اليوم حابة أناقشكم بموضوع خارج عن ارادتنا نوعاً ما
لفت نظري للموضوع رواية قريتها للكاتبة علياء الكاظمي اسمها "آنسات الى الأبد"
باختصار تتكلم عن الشروط التعجيزية اللي يحطونها بعض العائلات للزواج ، و آخرتها البنت تظل ببيت أهلها
طبعا الدافع يكون حب البنت قبل كل شي ، و تمني الأفضل لها
لكن … ؟ تأتي الرياح بما لا تشتهي السفن
اذا الدكتور و المهندس و الطيار و الموظف و المدرس و المحامي ماعنده المهر المبالغ فيه هذا ، شنو ذنب البنت؟
طبعا غير شروط المذهب ، و اسم العايلة ، و السن المناسب ، و الحالة الاجتماعية … الخ
سؤالي للشباب :
طبعا الالتزام بالعادات و التقاليد شي اجباري ، فـ شنو الشروط اللي تحطها لزواج بنتك بالمستقبل بما يناسب هالعادات؟؟
و اذا كان بيدك تغير بعض الشروط اللي تفرضها عليك عادات قبيلتك أو عائلتك ، شنو بتغير؟؟؟
شنو بيكون موقفك اذا اخترت انسانة فوق طاقتك المادية، و المهر اللي يبونه أهلها مبالغ فيه؟
ولا تنسى أن الشروط اللي بتحطها بتنطبق عليك
سؤالي للبنات:
جم تبين مهرج ؟ و شنو الشروط اللي ممكن تتنازلين عنها أو تنصحين البنت انها تتنازل عنها أو ودج لو الأهل يتنازلون
عنها في حال تأخر سن زواجها
———–
ايييي في سؤال مهم للشباب … شلون تقنع أهلك انك ماتبي تتزوج شخصية معينة اذا كانوا يبون يجبرونك على
هالشي؟؟
