.. ( بتزوج ) خل الوالده والخوات يختارون لك ولا تفكر ..

.
.
.
.

.. السلام عليكم ورحمة الله وبركاته ..
.. عساكم بخير وعافيه ..

.. شباب بنات خالاتي خوالي ..
.. حبيت أفتح معاكم موضوع يتكلم عن الزواج وحسن الاختيار مثل مايقولون ..

.. عندي وايد اسئله وايد استفسارات طرت على بالي ووايد علامة استفهام فوق راسي طلعت بهالموضوع اللي بصراحه ماني عارف اي حل او اي قرار اتخذه ..

.. ولدنا يبي يتزوج ..
.. دايما و ( البعض ) على طول بدون تفكير يقولك ( الوالده أو خواتك خل يختارن لك ولا تفكر ) ..
.. زين انا أمي جاهليه بمعنى ( أبتدائي ماعندها ) يعني تفكيرها نفس تفكير ايام قبل ايام الغوص وايام الزواج اللي قبل ..

.. الحين جيلنا اختلف الحياة تغيرت الناس تغيروو ..
.. وانا اللي بعيش حياتي ونظرتي تختلف عن نظرت اهلي وخصوصا الوالده !! ..

.. زين يا ولد الناس خل ( خواتك ) يختارون لك ..
.. زين خواتي همن نظرتهم تختلف عن نظرتي واذا خليت خواتي يختارون لي عيل باجر خواتي اللي راح يمشوني على زوجتي أو البنت اللي اختاروها لي أو صار ماصار يصير اللوم عليهم ..

.. الحين اللي لاحظته بهالفتره أو هالزمن الحين اللي عايشين فيه ..
.. الوالده والخوات طاقين مسامير بريولهم الا يبون اختيار الزوجه من اختيارهم وكل شي عليهم !! ..

.. زين لحظه يبا انا اللي بتزوج ولا انتو ..
.. زين بنت الناس انا ماعرفها شيعرفني في ماضيها ان كانت زينه ومو زينه !! ..

.. ووايد صارت في ( بعض ) العوايل ولدنا مسكين يتزوج هالبنت وبعد مده 3 4 شهور يطلقها تطلع مو زينه ولها سوابق أو أمها مو زينه وراكبه البنت ..

.. و السبب كان من اختيار الأم والخوات وولدنا ضيع هالجم شهر على الفاضي ما تهنا ..
.. ماكان من أختياره ..

.. زين لو ولدنا أختار من نفسه والبنت يعرفها من فتره أو عايشه معاها قصه حب أو عايش معاها معرفه ويعرف أهلها ويعرف كل شي عنها مو احسن من أختيار الأم والخوات ..

.. ليش الحين الامهات والخوات يطقون مسمار بريلهم وبقوه عشان ولدهم ..
.. ولما نسألهم يردون علينا : انتو ماتعرفون البنات كثرنا نعرف البنت الزينه والصالحه ونبي الستر عليك وعليها نبي وحده مستوره !! ..

.. ومجتمعنا الحين تقريبا بقول 50% نسبة الطلاق كله من اختيار الأم والخوات للبنت ..
.. ( نسبة من وجهة نظري حطيتها )

.. والموضوع جنه صج تروح الأم تتصل على العمه والخاله على اساس مستشارين يشوفون البنت ويسون سكان عليها من تحت ليه فوق ومن فوق ليه تحت !! ..

.. زين وانا الصبي اكون الضحيه .. ( ؟ ) ..
.. مالي رأي ..

.. حتى الحين الريال ماله كلمه على اهله من عقب الام والخوات ..
.. حتى لو حنج وطق مسمار بريوله مسمارهم اقوى و مو راضين !! ..

.. زين والنهايه شسوي ..
.. ارضي نفسي ولا أرضي الوالده والخوات على حساب نفسي ..

.. ويعطيكم العافيه ..
.. مع التحيه ..
.. :") ..

.
.
.
.

سبحان الله و بحمده