السلام عليكم
ببجي كتبت الموضوع وفجأة طفى اللاب توب 
المهم شلونكم اخواني وخواتي
باختصار ابيكم تعطوني حل يمكن احد فيكم صارله نفسي
انا تخرجت من كلية الحقوق ونسبتي 75% سنة 2024 وبعدها اشتغلت وحاطة ابالي اكمل دراستي عن طريق البعثات لكن ما رضو بسبب نسبتي حاولت وايد لكن مارضوا بعدها فكرت اروح عن طريق بعثات الاوفست لكن هم مارضوا لانهم ارفعوا نسبهم حزتها تحبطت للامانة انا ابي ادرس على حساب ديرتي لان ميزانيتي ماتساعد للاسف وحاولت ادرس بالكويت لكن هم الجامعة ماتبيني عشان نسبتي …… حاولت عن طريق بعثات الديوان الاميري وبعثات ولي العهد وهم مارضوا حاوووووووولت بكل مكان كلا كلمة لاااااااا على طرف السانهم حزتها قررت ادرس بأي دولة على قد ميزانيتي وقدمت عالاردن مع اني ضد الدول العربية ولمن اقبلوني دقوا علي قالولي لا اتيين خلاص وقف الاعتراف فينا من الكويت حزتها لاتشوفون شصار فيني حيييل تضايقت وللامانة وايد ناس قالولي كملي بمصر بس لووو شنو ما اكمل فيها ولا افكر اروحلها كللللش بعدها قررت اكمل بلندن بس لمن حسبتها عدل شفت نفسي ما اقدر عليها خو انا مو رايحة سياحة اسبوع واسبوعين انا بقعد فيها عشان جذي ماقدرت ولا مييييتة واكمل فاييها حتى الاخ ايزي استبس كلمته هههههه وهم ما اضبطت معاي كلاااا متقفله بويهي ،،،،،، وبعدين ظليت فترة مأيسة بعدين فجأة جددت قوتي ونشاطي وقلت يا بنت شلج بتخصص القانون ودرسي ماجستير شريعه ماينفعج الا عملج بقبرج واحتسبيه طلب علم وقررت اكمل بالسعودية او الامارات لكن هم ما اضبطت معاي
ملاحظة
انا ابي اكمل ماجستير بأي طريقة لان حلم حياتي اخذ الماجستير وانا بالعشرينات مابي عمري يمشي وادخل الثلاثين وانا ماسويت انجاز ادري يمكن بعضكم يقول شكوووو هذا بهذا بس هذا تفكيري 
سؤالي تكفووون في احد نفس حالي ؟ وشلون قدرتوا تكملون لو كملتوا ؟ وتنصحوني اكمل شريعه ولا لا لان ماراح ينفعني بدوامي ؟ والي يعرف او تعرف كليات بلندن او امريكا نظام الدراسة فيهم سهالات مو اقامة جبرية يقولي راح ادعيله من كل قلبي والي عنده حل حق مشكلتي هذه ينصحني