السلام عليكم
خل أقول السالفة
قبل عطلة راس السنة في بنات اتفقوا عالغياب و منهم صفي .. و أنا كنت أبي أداوم بس الكل يبي يغيب و كانوا ثلاث فصول
فاضطريت أنب أغيب يوم الأثنين لأني ما أحب أكون الوحيدة المداومة بصفي
الي صار أن المدرسة دقوا على كم بنت و قالوا لهم داوموا و منعوا أنهم ياخذون طبيات من المدرسة
طبعا وايد بنات ما دقوا عليهم .. بس بمدرستنا يقول أنهم دقوا على الكل ( و ثنتين من صفي يقولون أنهم دقوا عليهم ) و ثلاث عرفوا من رفيجتهم
الي صار أن المديرة عصبت و قالت تبي تعاقبنا و طبعا الي جابوا طبيات من المستشفى ( لأن المدرسة ما عطتهم ) ما عاقبوهم .. و ما شاء الله كانوا وايد
و هذه أول مرة يعاقبون عالغياب الجماعي .. كل سنة كان في غياب خصوصا من 12ع لأنهم يخلصون الامتحانات قبل الباقي و يغيبون لدرجة أن السنة الي طافت يمكن بس 4 أ و 5 الي داوموا
و وحدة من الأبلات صدمتني يوم تقول أول مرة يطبقون القانون 
و العقاب هو حرمان من الرحلات و زادوا كمية امتحان الانجلش فخلوه دبل
طبعا مافي مشكلة بهذه
المصيبة أنهم حارمين الي غايبين من حفل التخرج و التفوق .. و موزعين نشرة عالصفوف الي غابت
مو من صجهم .. زايدين كمية الامتحان و حرمان من الرحلات و ما اكتفوا
و ما أتوقع أن لهم الحق في أنهم يحرمونا من التفوق خصوصا أنهم معاقبينا بالامتحان فـأنا أبي أشتكي عند المنطقة التعليمية ( الأحمدي ) و كم بنت معاي
بس عند منو أروح ؟