نواقص في جامعتنا

السلام عليم ورحمة الله وبركاته …..
اخواني واخواتي في جامعه الشرق الاوسط الاميريكية
حبيت اعرض عليكم بعض الاشياء اللي احس الجامعه لازم تسويها حقنا خصوصا انه الدفعه اليايه وايد وراح يزيد عدد الطلبة والطالبات يعني راح يزيد عددنا وايد وايد
يعني في اشياء بديهية المفروض الجامعه موفرتها لنا مثلا
1- اللوكارات حق الطلبة شنو فيها اذا حطولنا لوكارات موو معقوله كل دقيقه بنروح السيارة ناخذ كتبنا نطلع بالحر والخيسة مفروض فيه لوكارات نحط فيها الكتب واللي محتاجينه نودي معانا البيت يعني بذمتكم عندي صيفي وبهالحر اشيل كتابين كل واحد وزنه 10 كيلو غير النوتس والدفاتر حشا اثقال موو كتب
2- مكينه رصيد ومكينه للسحب الالي يعني جامعه شكبرها مافيها لا رصيد ولا نقدر نسحب فلوووس موو وعقوله نطق شلالتنا لي ACM حق البوك ستور لا او اخر شيىء يرد عليك الهندي ماكو رصيد
3-مكتبة خاصه في AUM المفترض اكو مكتبة يديده حقنا موو معقوله نروح ACM كل دقيقه رايحين اذا بنشتري اي شيىء قلم ملف او كتب كله من هناك لازم يكون لنا مكتبة خاصة حقنا
4-المصافط ترى شويه هاذا واحنا شوية كل زحمه بالمصافط عيل لي سرنا وايد متى نلقى مصفط او بعدين المصافط اليديده ليش مافيها مظلات
5-مجله خاصة بجامعتنا يعني لازم اكو عندنا مجلة نعرف اخر الاخبار خلونا نواكب باجي الجامعات الخاصة
6-اتمنى يزيدون المطاعم لانه اذا مازادوهم بسير طق مطاقق عالسنه اليديده ترى قااام نزيد وايد ما يسير جذي

سبحان الله و بحمده