مساعدة بخصوص التقديم على الجامعات والكليات بعد الثانوي ..

السلام عليكم ورحمة الله وبركاته ..

في كثير من الطلبة مايعرفون شيسوون بعد ما يخلصون ثانوي ..

وهم في ناس تعرف ماشاء الله ويعرف وين يبي يقدم ..

انا بقول لكم خطوات بعد الثانوي .. وان شاء الله بتستفيدون ..

1- بعد تخرجكم راح تحط الجامعه جدول حق التقديم ونسب القبول بالنسبة للتطبيقي

2- كل فئه تقديمها بيوم معين..( بالنسبة للجامعة )

3-ان طاف يوم تقديمك لازم تنطر لأخر يوم بالتسجيل حق كل الفئات

4- التسجيل يبدي من اول ٧ و ينتهي باخر الشهر
<< يمكن يكون ابجر لانكم بتعطلون ابجر من السنه اللي طافت

5- تشوفون انت تبع اي فئه و تروحون باليوم اللي حاطينه لك

6- عقب ما تخلصون اخر امتحان بالثانويه مرو اداره المدرسه و سألوهم متى نستلم الشهاده ( و نبهوهم انكم خريجين )

7- تاخذون الشهاده وتودونها المنطقه التعليميه تصدقينها و تطلعون عليها نسخ ( احتياط و خصوصاً للي بيقدمون على اكثر من مكان )

8- النسخ تطلعونها من المنطقه التعليميه ,,مو تودون شهادتك التصوير.. لانه المنطقه تطبعها من السستم عندها

اذا صورتها من التصوير او مركز الطالب محد يبيها عقب

و لا جا يوم فئتك للجامعيين تروحون بكل اوراقك الرسميه و تقدمون اوراقكم ..

و تنطرون قبلوكم

بالنسبة للتطبيقي تروح تقدم بالموعد الي تحدده بالموقع .. وتروح تقدم اوراقك (محد يلتزم بالبيوم المحدد له ) بس انت سو الي عليك وروح على الموعد وقدم ..

وتقدر تقدم من النت وتروح للتطبيقي عشان تدخل استمارتك وتطبعها من هناك ..

ملاحظة **..:
إذا بتقدمون بعثات فيطلبون منكم النسخة الأصلية
وإذا بتقدمون جامعة فيطلبون منكم النسخة الأصلية
يعني بالعربي ما يصير تقدمون على البعثات وعلى جامعة الكويت بنفس الوقت

يطلع القبول اول شهر ٨

عقبها بيدزون لكم مسجات بأوقات تسجيل جداولكم للكورس الاول( بالنسبة للجامعة ) ..

والتطبيقي بالنسبة لكم بيدزون لكم اتحاد الطلبة متى موعد استلام النك نيم والباسوورد عشان تختارون جداولكم ..

وبس هذا الي اعرفه وللأمانه منقول الكلام مع التعديل مني انا ..

بالتوفيق ..

اخوكم فهد العنزي (f)..

كــل الــوود

سبحان الله و بحمده