السلام عليكم ,
أمس كنت بالمستشفى عند إختي والده ,
و نزلت الرسبشن بشتريلي موكا ,
المهم خذيت الأوردر مالي و ييت بصعد بالأصنصير و انا ما اشوف طريجي ,
مندمجه أكتب المسج ,
فجأه و أدعم بني آدم جنه كبت مشالله ,
من قوة الدعمه رجعت لي وره
حسيت انكسر جتفي منه ,
جان أقول .. : آسـ …….
قآطعني : إنتيييييييي هييييييييييي ما تشووووووووووفيييييييييين هذا و انتي لابسه نظارات شكبرهاااااااااا الله يعين لو مو لابسه جان تمشين و تدعمين بالأوادم .. فتحي عيونج مره ثااااااااااانيه
قعد يصرخ جدام الناس و الناس تطالعني و تطالعه و الي طلع من الرسبشن يشوف شصاير و الي طلع من الأصنصير يشوف شسالفه ,
تفشلت حديييي
طبعا عقب كل هالزف جدام الناس ,
انربط لساني .. ما نطقت بكلمه ..
بس خذيت اغراضي الي طاحت و ركبت الأصنصير و انا ببجي من الفشله و الناس الي تطالع ,
جان يطق الدقمه الي برا و يركب معاي
و لا تشوفونه يخررررع جنه كبت والله العظيم انا جني نمله يمه ,
,
تتوقعون له حق يصرخ علي جدام الناس عشان دعمته بالغلط !
و يخلي إلي يسوى و إلي ما يسوى يتطمش علي !