السلام عليكم
ترددت كثير ان اكتب هالكلام بس شاغلني لدرجه كبيره لدرجه اني مو قادره اضحك ولا انام وتعبانه حيل منه
انا لاحظت من دخلت الجامعه
ان كل البنات عندهم اللهم نفسي
انا متعوده بالمدرسه قبل ان كلنا خوات ونحب بعض ونحترم بعض
بالجامعه شفت البنات يغارون من بعض
وعندهم شغله غريبه
ما ادري شلون فاضين لها
القيل والقال
وممكن تصير مشاكل
انا في دكتور الفصل الاول صرخ علي بدون اسباب لدرجه بجيت من صرخته وكان كله يقومني روحي قعدي ورا اقعدي الصوب هذاك ونظراته تخررررررررررررررررررررررع
مع ان مالي شغل فيه حتى سؤال ما اساله
رحت اشتكيت عليه وصار آدمي معاي
غبت اسبوع عشان سويت عمليه عقب رجعت وانا تعبانه من البنج ودايخه داومت عشان مادته وامتحانه لان قال للبنات لازم تجي تمتحن ما اعيد الامتحان اللي تغيب صفر وجيت الا بنت شايشه علي انا سمعت ان الدكتور بيفصلج وانج تجادلينه ومهاوشته
ارد عليها اقولها مو صحيح هالكلام والحقيقه جذي جذي السالفه تقول لا في بنات ومو من شعبتج قالوا جذي اقولها ليش ما تشوفين بنات شعبتي تسالينهم ادرى فيني وتخيلوا تمصرخني قدام البنات انتي شلون تجادلينه ما تستحين هذا رجال هذا دكتور؟؟؟؟؟؟؟
يعني شوفوا يا بنات انوار ما تستحي وتروح لرفيجات تقولهم وحده وحده ما تدرين انوار قايل الدكتور ان بيفصلها لان جادلته
طبعا هي تنقل كلام وسالفه مو صحيحه وموراضيه تقتنع بكلامي عطيتها طاااااااااااااااااااااااا اف لاني زهقت ولاني تعبانه غصب مداومه المفروض بسريري حتى وجهي مبين عليه التعب هذا موقف من المواقف
اللي الاحظه ان البنات مشكله جد يصدقون اي كلام عن اي بنت يعني شوفي فلانه ترا سوت وقالت وبس شغلهم الكلااااااااااااااااااااا م
انا زهقت لدرجه مابي اصادق اي بنت انا ما احب جذي
وفي مشكله من عقب ما تزوجت في بنات كانوا يضحكون معاي ويسلمون علي من دروا اللي تطنز علي واللي تسوي تحقيق شلون تزوجتي غريب حطيتي مكياج لما جوا يخطبون ؟؟ تطنز عشان ما اعرف احط مكياج ولا احطه بالدوام ومو مهتمه بكحل وحمره والوان اكررررررررررررررررررررره المكياج جذي طبيعتي اللي يبي يتقبلني بوجهي الطبيعي ولا عمره ما يتقبل وفي بنات لا ساعدوني وجابوا هدايا حرام كلفوا على روحهم من تزوجت عرفت من خلال ردات الفعل اللي كنت احبهم اطلعت شخصياتهم الحقيقيه وعرفت قدري عندهم
انا مو يمهم ولا يم غيرتهم ولا اسلوبه انا مسكينه مركزه بدراستي وبلشانه اجهز وشايله هموم الدنيا على راااااااااااااااااااااااا ااااسي
الملخص من هالكلام ليش البنات بالجامعه بس شغلهم القيل والقال وانا ملاحظه هالشي بالبدويات خصوصا مو كلهم بس الاغلبيه يعني في رفيجاتي حضريات شزينهم ما عندهم هالشي هذا فلانه قالت وفلانه سوت وفلانه الله يلعنها فيها وفيها
ومشكله تعرفت على مدينات فيهم هالنقطه هذي اللي اكرهها وانا مو من طبيعتي لو اشوف بعيني بنت تغلط اني انشر كلام وانقل حجي واحط بهارات من عندي وانشر لخلق الله شوفوا غلطت والا سوت وسوت
بالعكس اللي تغلط تكسر خاطري
كلنا بشر ونغلط
واتعامل مع الموضوع بانسانيه ولا اكره والحمدلله ما اعرف الكره
فيني طيبه تربيت عليها ان لو الواحد يأذيني ويجي يعتذر او يسلم علي بس نسيت ولا اعرف الحقد كله من ساسه
ولا اعرف انام وشايل قلبي على انسان هذا بالنسبه لي بس غيري لاء
في مره من المرات وحده من اللي يدعون التدين كانت قاعده عندي وجت رفيجتي حضريه سلمت علي وقعدت وظليت اسولف معاها واضحك
غااااااااااااارت الاخت حيل وكله تقولي قومي امشي معاي
واقولها لاء ابي اظل مع فلانه زين بالصدفه لقيتها
جت ورتني بتلفونها صور لها هي وخواتها كاشخين
وورت هذي اللي معاي بما انها قاعده عندي
والا الخلفيه لجهازها مكتوب "يا حســيــن"
انا ما اعرف انها شيعيه ولا بطبيعتي اسال انتي شيعيه والا سنيه وما عندي فرررررررررررررررررررررررر ررق
امي ربتني ان كل البشر سواسيه وكلن على دينه الله يعينه والناس كلها خير وبركه
قااااااااااااااااااااامت رفيجتي الحضريه راحت ناشبتني هذيك شلوووووووووون تكلمين وحده شيعيه كاااااااااااااااافره
قلت شكوووووووووو كافره مو كيفج تكفرين بعدين مدري انها شيعيه واذا شيعيه عادي ما شفت منها الا كل خير!!!!
جان تقولي لاء انتي توالينها توالين اعداء الله!!!!!!
وبحاول ارد عليها واقولها ما اسمح تقولين عن رفيجتي جذي
قامت تجرررررررررررررح فيني بالكلام سكت وما رديت عليها لان مو معطيه مجال ارد كل هي الصح
جان ارد عليها يعني حتى رفيجاتي تبين تحكمين باصولهم ومذاهبهم ؟؟؟؟؟؟؟؟
انا من الروضه رفيجاتي شيعيات ويحبوني واحبهم ولا شفت منهم الا كل الخير
حيل رفعت ضغطي واحرجتني عند البنت لان وانا اكلم البنت دزت مسج لتلفوني كاتبه انوار قومي خلينا نروح رفيجتج حاطه خلفية يا حسين وانا تضايقت
والمشكله قرت رفيجتي المسج
ظليت اسبوع اراضيها بسبة حركتها البايخه شنو مو بشر والله لو مسيحيه انا ما اكفر
حيل زعلت منها وعلمت امي بالسالفه قالت هذي خليها تولي عيب الي سوته برفيجتج تبي تشب فتنه هذي تحب المشاكل
يعني اللي شفته من الطالبات عنصريه على قيل وقال على غيبه على نميمه زهقت صرت اخر فتره بس اقعد بروحي او اقعد مع بنت خالي ع الاقل اعرفها من كنا صغار ومثل اختي مع ان امها تكره امي وامي محذرتني ما اكلمها بس ع الاقل محترمتني لاني دمها ولحمها وجد محد يساعدني غيرها
توقعت ان لما يكون الواحد كبير يكون عاقل بس هاالسوالف بالابتدائي والمتوسط ما شفتها لما نكبر ونوصل الجامعه اشوفها!!!!!!!!!!!!!!!
جد لاعت جبدي والله حيل
راااااااااااااااايكم لاعت جبدي من هالنوعيات اللي منتشره؟؟؟؟
انا منصدمه حيل مو شوي
وزعلانه ان في بنات اصدموني ومن بعد ما كنت احبهم وظانه فيهم الخير يطلعون جذي
سبحان الله و بحمده