بسم الله الرحمن الرحيم
شوفو شباب انا ذكرت لكم من قبل عن مشاريع اللي هو كافيه بيع الكيك والعصاير والقهوة ومشروع محل الذهب كل المشاريع حلوة وزينة لان هذا الشي اللي وصلت له كان حلمي في السابق اني ادخل جامعة الكويت وادرس ادب انجليزي لاني وايد احب اللغة الانجليزية لكن بسبب ظروفي الصعبة مادخلت الجامعة دخلت كذا معهد كمبيوتر وتعلمت كل اسرار الكمبويتر من شبكات وصيانة لابتوب وعلوم كمبيوتر وفوتوشوب وبعد درست دبلوم ادارة اعمال
المهم كان ابوي قبل مايتوفى كان يشتغل خياط وكان يطلع من الشغلة خير وايد لكن بعد ما توفى ظروفي صارت صعبة وانقصت الفلوس علينا المهم انا بعد تفكير عميق توصلت الى حل وهو اني افتح معرض لبيع الاقشمة الرجالية لكن عندي مشكلة من وين اييب احسن بضاعة اقمشة رجالية من اجود انواع الاقشمة الرجالية مثل اللي في معارض كاكولي وغيره من المحلات ابي احد يساعدني اني افتح محل بيع الاقشمة الرجالية مع البضاعة انا ساكن بالوقت الحالي بالجهراء ابي شي واحد محل بالايجار مع البضاعة
هذا احسن شي صحيح المشروعات اللي ذكرتهم مربحين لكن يبيله فلوس وايد لكن ابي محل صغير على القد ليما تكبر تجارتي وبعدها ان شاء الله افتح محل كبير خاص فيني مع العلم ترى انا من عايلة تجار لكن بسبب ظروفي وصلت حالتي بهذا الشكل ساعدوني علشان اقدر اوقت على ريلي مرة ثانية اكبر واكبّر اسم ابوي
وشكرا